fc620 ~ 接新娘篇

叮噹!!

上回講到兄弟同Honey到達女家喇!!我即刻匿入房,好彩有媽咪陪住我,我仲以為我要一個人孤伶伶係房聽住大家係出面玩咁可憐添,哈!!

Honey一入屋,姊妹們即刻上前'招呼'大家!

結婚遊戲係o係兄弟姊妹第一次gathering後同姊妹傾好o既!!班姊妹個個都好具創意,結婚遊戲全部都係自己idea,創意十足,仲記得我o地只係傾已經笑到收唔到聲!!

遊戲1: 忘情森巴舞 (揀呢首歌其實無咩原因o架,純因為我鍾意草蜢咋!!)

未開始前先請三位'草蜢'裝裝身先!!!Honey個黑髮look笑死我...好似真係佢d真髮咁!!

'草蜢'睇完一次DVD就踩住石春路跟住跳喇!!!睇下右上角o既'草蜢'跳得幾'忘情'!!!

Honey o既投入連姊妹Athena都嚇親,哈哈!!

遊戲2: (名後補)

繼續係三位代表玩,佢o地要著上貼滿寫上壞習慣紙仔o既雨褸o係1分鐘內fing甩晒d壞習慣!!!(呢個game寓意好得呀,無晒壞習慣先好接我!!)

點知...d紙仔貼得好實,fing極都唔多甩...haha!!!!

兄弟開始出貓喇,互相整甩對方d紙仔!!

最後當然唔成功啦,所以要罰抱起新郎哥來回行石春路10次!!!

遊戲3: 分甘同味!!

雖然都係食醬,但玩法絕對創新, 因為...塗滿醬料o既膠片內係夾有人樣o架!!!要lam晒睇到膠片內圖畫先叫過關!!!

Honey o既圖片係我o黎o架,佢張膠片得'甜'味o既醬料!!!

兄弟們就要捱義氣喇!!蝦醬芥茉辣醬乜都有!!佢o地仲要對lam,膠片內圖片係我honey d大頭相,哈哈,咁嘔心,難度高喇o卦!!!

完成!!!
右下: 兄弟們都抹一把汗咁喎!!!

遊戲4: (名後補)

夾麻雀遊戲,不過今次我o地益智d,玩計數,要佢o地夾d麻雀上o黎再用算式計出'6'同埋'20'!!!

好壯觀!!!

眨下眼就完成!!!

睇下兄弟笑得幾得戚!!佢o地話好易計喎!!!

遊戲完喇,男女對陣,到o左收開門利是o既時間喇!!

右: 好,我俾~~~
左中: 唔得喎,d數有問題喎!!

俾d誠意先得o架~~~

Yeah!!!

上: 搞掂喇喎,交人!!!!
下: 咪住,仲有樣好重要o既野~~~愛的宣言!!!

出面binglingbomlom好熱鬧,房入面亦唔輸蝕,爸媽細佬妹輪住入o黎同我合照,所以,等o既時間都過得好快!!

忽然間,錄影師Roger打開門入o黎,我仲以為咁快接我添,哦~~原來Honey要讀愛的宣言,攝影攝錄叫我躲o係房門口扮聽影相!!

右上: 好喜歡我爸呢個表情!!
下: 大家聽愛的宣言都聽到拍晒手!!!哈哈!!!

打開門躲o係門後扮偷聽!!!當時我覺得咁做好作狀好假,但睇番相又幾得意!!

媽咪陪我係房一齊聽!!

讀完喇!!!

上: 接我喇接我喇!!!

爸爸帶我出去!!
下右: 好奇怪,我爸交得隻手唔好,我同honey好似第一次見握手咁!!!

之後,爸爸一手捉住我,一手捉住honey,講o左一番說話,大至係話'婚姻係一生一世,係一個承諾'之類,我聽後都有少少眼濕濕(後尾姊妹珍妮都話我爸講呢番說話好touching呢!)

爸爸的一番話,我會好好記住!!

笑到見牙唔見眼呢!!!

之後,錄影師叫我坐o係Sofa, 然後向honey示意,叫佢...

...跪地交個花球俾我!!
我對honey呢個舉動都有d突然o架,都係o個句,有點作狀啦,哈哈!!!
Honey都話佢睇番相都唔記得自己原來有跪地...而我,都好似係睇相先對呢幕有dd印像...哈哈...

新郎終於接到新娘喇,當然唔少得要~~~

呢張相我好鍾意呀!!

又笑到見牙唔見眼喇,哈哈,我諗我可以去賣牙齒廣告呢!!!

下一回到敬茶篇喇!!

(P.S...其實我係咪揀得太多相出o黎呢, 大家睇得悶唔悶??...掛住揀相成日搞幾日先出到一篇添...)