希臘瑞士Honeymoon之旅 ~ Day5: Santorini (30/6)

30/6 (TUE): 酒店(Oia) -> 酒店(Imerovigli) -> Fira -> 酒店

朝早起身,他他調調食埋尋日留番o既早餐就check-out,坐巴士去Imerovigli,搵全程最貴一晚o既酒店Shine Hotel(155Euro/night)!

臨走再同Oia合個照先!!(我仲戴埋買俾人做手信條絲巾添,靚靚!)

坐巴士離開喇,Bye Bye Oia!

到Imerovigli,得我o地兩個落車,問兩問,間酒店原來都唔太遠!!我地去到都係剛十二點,好彩都即刻有得check-in,我o地間房個jacuzzi唔使同第二D房一齊,叫做'自成一角'少少,正!

間房,其實普普通通啦,但外面露台同Jacuzzi個View,一流!!

左: Hotel Reception, 我o地就係成日o係呢度同負責人吹水同上網喇!!!
右: 房內

上: 我o地個Jacuzzi自成一角,另外三個Jacuzzi係連住o架!!
中: 我o地個Jacuzzi,望住火山島美景!!
下: 火山島同右邊o既Imerovigli酒店!

咁靚,即刻影番張靚相先!!

影完相,決定行去Fira巿搵o野食!!邊行邊欣賞風景,好靚,我覺得呢度個view靚過Oia,只係d屋未必有Oia咁精緻o者!!

沿途見到太陽花!

好可愛o既小狗, 熱到趴o左係地...haha!!

相中我o地身後個town就係Fira喇!!雖然仲有一段距離先到,但已經聽到成個town o既嘈吵聲,好熱鬧!!正如酒店負責人所講, Fira Town比Imerovigli熱鬧好多,Imerovigli比較高尚住宅區feel,係'no music' o既,Fira就熱鬧好多喇!!

由Imerovigli行去Fira都要三四個字時間,咁熱,到Fira第一時間食番杯雪榚就最好!!

無地圖,我o地又係亂行!!呢度有好多賣手信精品o既舖頭,續間睇可以睇好耐呢!!

呢度有華人餐廳, 一個叉燒湯粉賣7.9euro!!!!

已經唔多記得呢度o係邊個位置影,總之就好靚啦!!!

肚餓喇,係咁二格左幾間價,最後上o左間有海景view而又價錢比較合理o既餐廳食Lunch,一個Burger一個奄列,再加杯老公子係都要叫o既大啤,咁就百幾20euro...不過有個靚view,味道亦不算差,去旅行就係要豪d!!

食完正餐,行行o下經過一間叫two brother's bar o既食肆,再叫o左個kebab,唔小心叫o左用portion上(除kebab外仲有薯條同pita),結果由用pita上o既2個幾3euro變左6.5euro,貴左好多!!

食o左Gyros咁多日,今次食呢個,覺得好好好好味!!!

通常係Sex on the Beach, 呢度就Sex on the Volcano!! haha!!

食緊kebab期間,竟然又撞番Ming同Karen喎!!大家以為尋日係Oia撞唔到都應該無咩機會再撞得番,點知大家又有緣再會,原來佢o地頭先經過呢間Bar見好多人,覺得好似幾好味,於是再番轉頭諗住幫襯,最搞笑係,佢o地話我知,之前我o地o係Mykonos撞到佢o地時,佢同我o地一樣叫錯左用Portion上!!哈哈!!

大家又試傾傾傾,原來佢o地今日租o左車遊Santorini,去o左好多地方,咁o岩佢o地之後打算去Imerovigli,於是我o地好唔客氣o地癡車坐!(我地都覺大家太有緣,終於交換o左msn contact!)

阿Ming載我o地番去Imerovigli, 途中見到好多驢仔呀!!

呢度就係Imerovigli喇!!圖中左上方最高位置黃色o個間hotel就係我住o個間喇!!

話明呢區係'高尚住宅'區,d就店真係超級豪華!!圖中中間位置有個swimming pool o個間,酒店負責人後尾話我o地知,住一晚要3萬蚊!!!因為佢豪得o黎,地理位置好,可以睇埋日落!!

行o左陣,我o地帶Ming同Karen去我o地個Private Jacuzzi 參觀,估唔到去到咁遠都可以有招呼朋友去屋企參觀o既感覺...最衰間酒店唔係我o架啦,哈哈!!

呢張相係Karen影o架,番到HK買佢o地拎番!!佢地部機pro d有廣角鏡,影出o黎我o地個露台view真係特別正!!

Ming同Karen走後,我同老公子就留o係酒店上o下網同好好enjoy呢個Jacuzzi!!今晚咁貴,當然要留番多d時間o係酒店啦!!

我o地就係o係呢日發表我o地旅行期間第一篇blog喇,haha!!

其實Jacuzzi d水好熱,唔算太好浸,但趴係缸邊望住外邊美景,真係好享受!!

浸完Jacuzzi,我o地決定行去北邊,酒店負責人話,佢o地當地人其實覺得Imerovigli o既日落比Oia更美,因為Imerovigli地堙位置高Oia 300米,而且唔似Oia咁又迫又多人,只有兩三對couple,睇個日落都靚d浪漫d咁話,於是我o地要去親身驗證下!!

由我o地間酒店往北行,Imerovigli o既酒店越o黎越靚,真係好靚,睇得出呢邊d酒店住一晚一定所費不菲!!

呢間酒店好精緻可愛,於是我o地係酒店門外影相,點知個酒店負責人好好人,話天台睇日落仲靚,叫我o地隨便上天台影相,我o地當然唔客氣啦,於是上去睇,點知...

天台風景有幾靚我已經唔多記得,反而記得上面另一番風光!!!原來天台正有一對情侶係度攬攬鍚鍚,隔離一個按摸池,就有三位美女係度浸浴玩耍...佢o地見到天台忽然多o左兩個亞洲人都仲可以繼續煙un o既煙un,玩水o既玩水,反而尷尬o既係我o地呢兩個不束之客,外國人真係開放d...!!所以,最後我o地一張相都無影,快快腳咁走!!

呢個位置超靚,間hotel叫white,真係好白雪雪好靚!!

日落喇,最後,我o地學另一對couple,坐o左o係一間resort o既屋頂度睇日落!!今日天氣比尋日好,所以毫無疑問,我覺得今日個日落,真係比Oia睇o既正好多倍!!

天台上o既180度view!!

呢一刻,忘記工作,忘記家人,忘記昨日,忘記明日...身邊只有老公子同黃昏美景,呢d,應該就係浪漫吧!!

日落過後再坐左陣,紅霞開始消失空氣開始清涼,要番去酒店喇!!

誤打誤撞,行o左去一條掘頭行,但就俾我o地發現到呢個可以影到藍頂教堂o既view!!

番到去我o地叫外賣!!間外賣餐廳係酒店負責人幫襯開,味道應該可以吧,而且最重要係,價錢好實惠!!

等食時又影下露台右邊Imerovigli o既夜景先!!呢張係補光耐d o既,好靚!!

呢張捕光時間短d!!其實當時個夜景比呢張仲要暗一d!!

露台左邊o既Fira巿景!

美食送到,兩個意粉再加埋'送'o既包,16euro一個2人晚餐,算係咁,HK食晚飯有時都無食咁平!!

食物味道好好,好驚喜,加埋酒店負責人送俾我o地o既紅酒同埋Imerovigli及Fira夜景,呢一餐真係好正又超值!!哈哈,去到希臘,我o地好似日日都有酒飲!!

沖完涼,望出露台,Imerovigli o既燈熄得七七八八,黑漆漆充滿涼意,不過一台頭,好靚,好耐無見過咁多星星!!仲記得大學時期我有借過d觀星書學觀星,可惜相隔太耐,除北斗七星同獧戶座腰帶最易認外,其他都唔認得,不過老公子見到我識得北斗七星,好似已經覺得我好勁,哈哈!!

深夜一點幾,我o地仲睇到月落,紅紅o既彎月,最後被黑雲吞沒!!

後來酒店周圍飄o左唔少雲出o黎,陰風陣陣,我同老公子都係入番房,覺覺豬去!!