Happy Birthday to my ...... HUSBAND!!!! :p

八月七日!!

今日係婚後老公子第一個生日呀!!!我送o左樣好特別o既禮物俾老公子!!

登登登登~~~~

磁浮地球儀!!

買完呢份禮物自己都有d沾沾自喜,忍唔住想讚下自己...haha,因為我好耐無事過咁有心思喇!!

其實呢...雖然我係天蠍座,但我一d都唔浪漫...拍拖10年期間,我印像中得頭兩年有送禮物俾honey,其餘我好似都係見佢o個排買o左咩就折現貼番俾佢,當係我送...哈哈...係咪好無誠意...????

今年,兩個人有自己小天地,不如就花d心思啦!!

於是我早幾日特登靜靜雞買定o者喱粉,諗住用結婚禮物乲一o既'烈艷紅唇'整老公子好鍾意我整o既芒果布甸俾佢當禮物!!

點知...一向o係屋企將o野亂放o既佢,無端端執餐台面,仲要八卦到望o左我放係台上o既超巿單據...結果,神秘行動被老公子識穿o左喇!!!...點解會咁o既呢...哈哈!!不過我睇得出老公子知我打算整布甸已經好開心!!

8月5號,我約o左班好姊妹食晚飯,由於我最早到海港城,於是我就諗住買番樣物仔喇!!

本來...我只係打算買...拖鞋俾老公子, 因為佢對拖鞋爛o左!!

點知,忽然俾我諗番起婚前有一日行街,同老公子一齊見到d地球儀,好想買番屋企做擺設,但係價錢又好貴,哈哈...就買呢樣做禮物啦!!

8月6號,我話俾老公子我今年有預備禮物,佢好開心,心思思成日估,但係都估唔到!!

拆禮物喇,嘩!!

磁浮o架,老公子即刻研究!!

老公子好鍾意份禮物呀,嘻!!!

雖然當時已經9點,我o地仲未開餐,但都係忍唔住幫地球儀影番幾張靚相先!!

見到嗎?我o地去過o既Greece同Switzerland呀!!!!呢個地球儀比另外o個d detail少少,首都城巿名都有o架!!如果我o地可以去晒地球上面d地方就好喇!!

是晚打邊爐,老公子特別要求o既!!

開番支wedding後剩番o既酒慶祝下先!!

Cheers!!

老公子生日快樂!!

其實,打完邊爐都成12點...食埋個烈艷紅唇芒果布甸先!!

心心布甸, 好可愛...嘻...希望老公子今晚過得開心啦!!!