好运北京最終回~場地障礙賽

今日(13/8)係夜晚作賽,終於唔使好似前兩日天未光就開工,可以訓番夠,不過唔知係咪尋日太支力十點訓o左,今朝八點幾就醒o左喇,哈哈,唯有打番尋日o既日記先啦!!!

十一點幾陪媽咪出去食飯,順便之後仲行o左陣街添!!!兩點幾出沙田,去o左IT同CitySuper搵水鞋,最終都搵到o岩心水o既,太好喇,仲搞到自己都有d想買添呢!!!

三點幾入到沙田原來已經有report要送喇,即刻走番兩轉,由於今日比前兩日好天,而且仲係下午,所以行到身水身汗,都幾辛苦呢!!!不過好彩,後尾我被assign了做operator,終於可以唔使走o黎走去,仲可以試試唔同岡位,yeah!!

由於今日已經第三日,所以大家都熟落了,而且今日唔使早起,大家都特別有精神同活力,再加上今日最後一日,大家都好落力搜括紀念品,仲將今日先有o既馬logo印水紙印晒上身,嘻嘻哈哈咁好熱鬧!!!!!!雖然係最後一日比賽,但今日要出o既report出奇地唔太多,所以大家仲有空檔去睇精彩O既障礙賽,大家拎住汽水果汁上二樓睇比賽時,真係有d似一齊上天台償月咁,哈哈!!!

睇晒三日賽事(其實都只係有機會睇少少),三項馬術賽入面我覺得今晚o既障礙賽最好睇,睇住d馬誇過高欄,不禁驚嘆點解咁重o既馬都可以跳得咁輕盈,而且國際賽o既馬匹比本地馬明顯勁好多,跳高好多都唔會踼跌d欄,好犀利呢!!

三日比賽終完結,結果由德國包辦頭兩名,本來我以為可以睇頒獎禮啦,點知要出report呢,miss o左完場添,有少少可惜!!!

不過之後都有大收獲,就係我o地襯清場期間走入場度同d好有香港特色o既欄影相留念,仲走埋上頒獎台添,機會難得,影o左唔少搞笑相!!!最後,我o地一班義工夾份送上一對水boot俾呢幾日帶住我o地o既奧馬公司負責人,出年就算落雨都唔知再去雙魚河踏泥,希望佢鍾意啦!!!

  
 

最後大家番PRD房debrief,大家都錄o左一段短說話,氣氛和洽!!!解散後我o地仲剛好趕及尾班車,無驚無險,總算為呢三日畫上一個完美句號,呢三日真係好難忘呢!!!

我teammate上o左星島呀,當時我都應該只係企o係佢身後少少呢,而且當時仲發生o左件爆笑事,將帶住d小朋友o黎表演o既'miss'錯以為係'媽咪',被'Miss'瞪眼回應,笑死人!!!

  
相片實在太爆笑了,希望主角不介意我將佢post上網啦!!!

 
忽然有個花園景,好靚,我坐上去時d teammate幫我影相,有好幾部相機呢,忽然覺得自己好似model,哈哈,可惜呢身裝束唔夠配合,哈哈!!

為O左show'紋身',我成晚有好多張相都係拎起衫袖影,好粗豪吧,哈哈!!!