作病

呢幾日作病,今朝好唔想番工,但又好多公司o野做喎...最終番o左,不過下午開始好唔妥咁,雙眼想合埋咁滯,仲feel到少少熱,完全係感冒病徵,結果捱唔住,唔理三七廿一照舊早走...不過都知大獲喇,為免下星期又要OT,我copy定d file番屋企,dry改都好啦...唉,個人真係好支力呀,好想病假,但係又想趕埋d o野...嗚...

講番今日下午,我約o左我爸食飯呀,因為佢咁o岩過海呢!!!佢帶o左我去Delifrance...認真見笑,其實我未食過Delifrance o架...今日一試,雖然望落只係包唔多似飽肚,而且又凍冰冰,但味道都算唔錯,而且比想像中飽,清清地,間中食一次半次都唔錯!!!!

之後我爸帶我行928,再之後帶我上佢office拎燒肉食(佢公司今日有舖開張),嘻,d燒肉又幾鬼正喎,yummy!!!