好运北京第一回:盛裝舞步

完成十一個多小時工作,回到家正好四點半,正好睡醒十二小時,本來都仲以為自己好精神,點知而家沖完涼了,靜靜坐低先發現自己雙眼好想合埋,而且雙腳仲有d軟添...

晨早五點,約了中學同學Polly一齊打的入沙田會場,由於Polly是另一function group的,所以比我那Group早半小時集合,雖然我住得近會場理應可以比其他人訓耐d,但為免自己一個人凌晨咁靜坐的士,唯有犧牲一d睡眠時間,提早陪佢出發!!!!

五點半到達會場,等o左一陣同我同組的義工朋友們都到了,之後便一起回我o地的工作室佈置房間,貼貼貼,整個房間的牆壁都貼滿了,預備好的歌詞迷語都仲未貼晒呢!!!佈置完畢,今天負責做跑腿的便出去實習一下行走路線!!!經過一星期的準備,老實講,路線圖同文件架都分類得好清楚,行過一次後大家總算清楚今天的工作了,認真可喜!!!!

 

開工!!!                                       就快開賽了!!

其實我呢team負責做o既工係係咁o既:Judge Tower把Report Send到我o地PRD房,之後由supervisor, assistant supervisor, operator等跟據指定的數量大量複印同分配,最後大疊大疊新先熱辣o既比賽資料同結果就會由Runner送到各個目的地,包括VIP Marquee, Press Room, Judge Tower,OB Van, FEI等等十一個地方!!!

 

PRD的重要用具!!                                     文件分發架!!

而我今日就當跑腿(Runner)!!!!成日分別去過VIP Marquee, Press Room, Judge Tower同埋Info Tent, 本來一切都好順利,點知最last一轉去到info tent無人肯收件,仲俾老外鬧我o地浪費紙張,搞o左一大輪先settle down,無端端俾人鬧真係唔好彩呢!!

至於無report出時,我o地都有出去影相探其他Tech Group,由於我o地PRD房位於VIP Marquee同Press Room側,所以我o地個view好正,仲可以睇住TVB記者主播們做o野o既情景,好正,不過我好唔好彩,因為去o左toilet錯過o左同林煥光合照o既機會,而且team入面個個都話見到鄭丹瑞,係得我見唔到咋...可惜,不過呢,今日都影o左唔少相,好似同北京奧組委o既代表啦,由人扮o既馬公仔啦,真o既馬啦(好遠咁做我背景)同埋無記兩位靚仔主播合照,收獲唔錯,哈哈!!!

 

比賽開始喇!!                                       同BOCOG的代表合照!!

 

我手中係加大碼褲呢,超巨形!!!                                兩位帥哥!!

大合照,請留意,三色台的咪也有入鏡喔!!!哈哈!!

由於我o地PRD有房,好多其他tech group o既義工都有o黎探我o地,每個visitor都有o係我o地預備好o既紙仔上留言簽字,好不熱鬧...而我,亦終於明白點解以往o既training好似著重Cheering多於report distribution...因為我o地呢間PRD房真身為一間PR房!!!!!

因為會有不同大人物隨時到訪,所以'門面'一定要'做'得好得體,為了'Cheering'而做的種種皆為令所有來賓感受到我o地o既'開心'、'Enjoy'同埋'Spirit'!!!的確,對於呢個咁多人注視o既盛事'門面功夫'真係不可少,好似今日o黎探訪的各位來賓都對我o地組有讚無彈,貼紙仔上牆貼o左成朝都唔係白貼,我o地理應開心同有成功感,之但係,我個心始終對於呢種'Cheering'唔多認同...或者,如果我一早被assign去'Cheering/PR Group'我會有多d心理準備去做呢d'門面'o野,但而家我係tech group呢,cheering為主送report為次就硬係令我有種好唔舒服o既奇怪感覺!!!!

對外'門面'功夫做足,對內呢,都有不少令我啞掉o既場面...

空閒其間無report無客人負責人就會忽然叫我o地唱歌猜謎...雖然傷腦筋準備好o既謎語/IQ題唔玩的確會浪費心思,但'被迫'(至少我有呢個感覺!)去'猜'去'唱'又有咩謂,皮笑肉不笑好痛苦o架!!!!我反而覺得佢唔出聲我o地自已傾計講笑仲開心...!!!!

三點半有多,差唔多完晒成日工作,點知仲要'填滿'貼於場上o既個人blog,仲要指定最少寫100字...噢...我唔係小學生作文呀,又話自由發揮,點解又要指定人寫幾多o野呀...好,等我發揮小宇宙快快寫完收工,點知..."嘩,Feon,咁快寫滿喇,聽日俾多張紙你寫呀!!!其餘Volunteer未寫完可以拎番屋企慢慢寫呀!!!"...

啞晒...我出名咩心情都掛係面上,唔知我當時個黑面明唔明顯呢...

Debriefing中!!

聽日比賽於上水雙魚河舉行,場地比今天惡劣,而且我要三點起身呢...而家八點,要訓喇,唔係就應付唔到未來兩日賽事喇...

希望聽日又有唔同奇遇啦,加油!!!!