Honey生日快樂!!

雖然今日放放,但都八點幾起身,因為同honey訂o左IMax早場o既飛睇立體版Harry Potter!!!準時去到,其實個戲院都唔係好大、熒幕都唔係好高o者,尖沙咀o個個好似仲大呢!!!

雖然只係十點半,但都坐滿大半場,忽然先醒起原來學生們都放緊暑假呢...噢,...證明自己隨住年月過去,對暑假呢個概念日漸變得模糊喇!!!同上一集相隔咁耐,我都唔多記得d劇情人物喇,而Honey就更不在話下,同平時一樣,睇到中段hup眼訓喎,可惡呀,成百蚊一張飛o架,就算係牛一大晒我都要拍醒佢迫佢睇,哈哈!!!

最後o個十幾分鐘立體都算幾好睇,令我覺得好似同harry一樣置身電影中,感覺都幾特別,不過有少少眼花同埋唔夠立體,唔似得??尼o個d咁,立體到好似抻手可及,所以我同honey o既結論都係立體版睇一次就夠,之後有第二d電影係立體o既話都唔會再去!!!

睇完戲十二點幾正好搵o野食,由於好多都好貴,所以選擇唔多,再加上遇著lunch time勁多人排隊,結果放棄o左想食o既越南菜,去o左食一間中式o野,點知呢間o野好唔掂,台台都漏單或等大半個鐘都無o野食,而且味道一般,分分鐘等食o既時間已經足以去越菜o個邊等位喇,真後悔呢!!!

食完梗係shopping啦,第一次去MegaBox咋,大部份店舖都開晒門喇,行晒都幾耐呢!!比較特別o既當然係B&Q同SpotLight啦,兩間都係賣家品o既,前者主借庭園同浴室廚具,仲有鐵閘大門,同Ikea明顯唔同,幾有特式,不過相信無乜人會買,因為香港無乜人會有庭園或大過客廳o既廚房浴室吧???不過,同honey邊行邊發白日夢,諗o下自己中o左今晚六合彩可以點裝修間屋都幾開心!!!至於後者呢,我覺得似一間勁大o既家政行,扭啦、線啦、冷啦、珠仔啦樣樣齊備,要尋寶o既話相信都幾開心!!!

同honey走馬看花其間,忽然見到黃德斌同郭羡妮呀,原來TVB拍緊o野,睇住佢o地拍一個幾秒o既鏡頭NG o左五六次呢,我梗係襯機用相機狂影啦,我同佢o地距離都算近,忍唔住不斷望住郭羡妮,佢果然係近年冠軍之最,真係好靚!!!

 

五點幾出番尖沙咀,來來回回咁亂走,終於等到七點,我o地去o左一間酒店食Buffet!!!雖然book o左位,但都無海景位坐,真可惜,至於食物呢,比預期中失望,因為明明openrice d好評都唔少,但實在麻麻!!!雖然有海鮮,但質素都幾差,d蝦同帶子簡直無味,長腳蟹同生蚝只係好少少,但明顯唔夠新鮮,至於sushi魚生呢,都係一般啦,但我未食過無味O既甜蝦囉,不過都好,俾我咁o岩撞到海膽sushi出場,即刻夾了好多,d海膽都算多同有鮮味,唔錯!!!至於全場最好味呢,都算係個中東餅,另外d中東羊肉同羊扒都唔錯,似乎呢度個中東大廚技術最好呢,哈哈!!!

甜品時間到,d甜品賣相吸引,而且都幾特色,有開心果、杏仁、蜜棗等等,於是拎o左好多o黎試,點知樣樣都勁勁勁甜,甜都入唔到口,結果當然係好多都無時,好浪費呢!!!不過呢度有個朱古力濆泉呀,我第一次玩咋,好得意,不過都幾漏,所以都係食o左好少呢!!

一日o既豐富節目完了,出街多過十二個鐘,真係支力過番工呢,嘻,希望honey開心啦,祝honey生日快樂!!