係時候走了...

呢日放工後再上去interview,其實收到HR電話佢同我講叫我上去'傾'而唔係'interview',而且佢收線前仲問我係咪要一個月通知,所以都feel到成數好高,只差在個package乎唔乎合要求罷了!!!

上去'傾計',其實都係interview o黎,個HR問o左我好多讀書同之前每份工o既o野,傾完後即場同我講'公司想俾個offer你',嘩,心中即叫了聲'YES!!!!',哈哈!!!

佢offer o既package其實都合理,只嫌年假得番七日太少...而且始終係一年contract,所以benefit package係百冇...老實講,如果只睇package,個新package人工上o既加幅真係未必彌補得番而家個perm package o既benefits呢,所以Agnes同May打波時都話我可以再試o下request高少少,都好o既,一試無壞,還記得早幾星期同老細爭取,結果出o黎係比我無爭取好,所以我會一試o既!!!!加油!!!

至於得到呢個好消息o既同時,又係另一個煩惱o既開始...我要resign喇,點好???其實我之前resign過四次了,理應好有經驗唔會再驚,但係今次情況又好唔同,因為我敢肯定我team人無人諗過我會走,而且我只係剛轉perm,呢頭扭完計要加人工,佢o地用另一形式satisfy我了,但我仲o係四位同事先後離職後resign,好似向佢o地再加多一腳咁,好有襯佢o地病拎佢o地命feel,好似'背叛'佢o地,不仁不義咁...唉也,好驚呀,好似好衰女...

而且今日last day 位女同事走埋後,team中要走的四位都走了,我變得孤立無援,仲要對多一個月呀...聽聞先前位男同事走前同事們成日俾說話佢聽添呀...死啦,佢o地會唔會單打我o架...點算呀...

仲有,老細實會搵我傾計,到時我無可能講我走o既最大原因係呢條team好唔掂嘛,所以要講其餘無咁有力o既原因,實唔夠佢o地講o架,而且我聽得多個心仲亂,對自己都唔好...真係好想學同事咁一日通知resign唔使煩...

噢...help...