甩尾

今晚無乜特別,同agnes同may打完波番屋企沖涼然後同honey講電話,點知點幾時我妹話我知佢見到條四腳蛇呀,好驚呀,於是即刻叫醒我爸同細佬幫手捉怪物!!!!

o係我爸同細佬合作搬開電視櫃下,終於發現四腳爬爬o既綜影,不過四腳爬爬比先前o既大甲由或飛甲由仲利害,行動非常迅速,差d搞到我爸同細佬無附!!!!好彩,四腳爬爬走o左去我頭先打波著o個對鞋底度,於是...

於是我細佬一腳踏上鞋面,四腳爬爬當刻應該已經魂飛九天外,只係我細佬怕佢再逃走,於是補多一腳...

...噢...場面實在太恐怖喇,我爸將鞋底血肉模糊o既一'pat' o野'dun'出窗外,之後再抹去地上的血跡...至於還在地上亂跳亂擺,四腳爬爬為了求生而掉棄的尾巴實在太令人噁心,一時間都唔敢處理佢...

大約等了五分鐘,尾巴終於不再動了,最後被我爸掉進toilet沖掉...

我爸話四腳爬爬食昆蟲,其實係益蟲,所以佢本來想生擒佢,不過佢行動太快,所以無辨法先咁對付佢呢....

我唔理喇,總之佢唔好o係我屋企範圍出現就得...第一次見到四腳爬爬甩尾...好噁心呢...!!!!