隱世食店

今日同honey出街,先去o左大埔墟一間毫不起眼o既上海舖食lunch!!!!

話明隱世,如果唔係我為食honey上網睇都真係唔會留意到呢間舖仔!!!佢位於橫街,外面睇令我諗起以前我honey中學時期帶過我去o既一間茶冰廳(無獨有偶,nata的blog咁o岩都有提起呢間冰廳!!!)!!!

入到去見到入面坐o左兩大台人,好明顯係熟客仔,而我呢兩個新客就叫o左網上推介o既酸辣雲吞、排骨擔擔面、炸饅頭同埋豆沙鍋餅!!!d菜都算上得快,排骨饅頭同鍋餅都新鮮熱辣好脆好鬆化,好好味,雖然個擔擔面同一般上海舖o既唔多同,但當係上海麵咁食都幾好味,我同honey都食得好滿意好開心,唔怪得網上食評係33個好評對4個劣評咁大比數呢,點解我o地住o左咁多年都發現唔到呢間o野o既呢?!

 

食完o野之後上深圳,特登坐剛開通o既落馬洲!!!!由於要保護濕地,所以好似去尖沙咀咁落o左地底行,埋到站先出番地面,不過都有唔少乘客企起身欣賞平原景呢!!!