試衫記2

Honey終於考完試喇,好開心呀,終於可以煩住佢問佢呢樣o個樣喇,嘻~

今日我o地過o左海行街睇GOD同Ikea,之後去o左一間叫Peony o既試衫,不過Style唔太o岩,特別係晚裝,好難先揀到一件有興趣,而且package勁勁勁貴,由於唔o岩心水,所以覺得好唔值呢!!!我試o左兩件WG,一件EG:

WG1: 傘型婚紗,條裙o既裙紗幾靚,不過無拖尾,而且唔閃,著完得一個感覺,就係好young!!!

WG2: 真身紗,有小拖尾,不過我唔夠瘦,感覺普通...

EG: 桃紅色傘型裙擺,同WG1相似,不過重好多,而且都係唔閃!!!!

P.S. Honey第一次見我著婚紗呀,不過佢一d反應都無...一d都唔浪漫o既...希望只係件婚紗唔係佢心目中o既dream gown 吧...