今日兩點上去度身試衫,其實我呢個星期已經上網搵o左唔少關於Sarona o既資料,知道佢除o左自己設計晚裝婚紗外,仲係stylist,成日幫雜誌o既Model甚至明星作造型設計,仲有唔少明星客,口碑好,所以今次影相,我最有信心都係佢d衫!!!
今日佢拎o左幾件新作品俾我試,嘩,d衫的確清雅高貴,我honey更覺得靚過晒之前佢見我試過o既衫添呢,唔錯!!!我今日試o左八九件衫,到時應該會著其中三至四件影,好o野!!!
試完衫度完身後,同Sarona傾o左好耐計,聽佢講,今次相版佢o地只會搵1 pair人影,所以不容有失,工作人員都好似有成6個人(唔多sure),影相前攝影師仲會去各地點睇景,當日又會帶晒所有裝備如打光燈同反光板,人工再加上車資,嘩,聽落,雖然我o地要付出好幾千蚊,但似乎真係成本o黎,無賺我o地呢!!講真,我又唔係咩model明星,之前妄想人o地免費幫我影,咪即係要倒蝕好多,而我就著數晒,又的確於理不合呢!!!而家,錢都俾o左,大家共同目標都係希望d相靚,好,我呢個星期要積極忍口,冒求以最fit狀態影好呢輯靚相!!!!
最後,Sarona仲教o左我好多護膚心得,叫我呢個幾星期敷多d水份面膜、早d訓同食少d辣o野,仲提點o左我o地影相當日要預備o既o野,而家,我同honey要盡快去睇裇衫同鞋喇,仲要留意o下咩花襯今日o既衫先得,因為一個星期多後就影喇,雖然有d急,但都好期待,希望到時天公造美啦!!
====================================================
我同honey之後o係黑雨中行街,由頭濕到落腳都幾狼狽,不過為o左掙取時間買影相用品,無辨法啦!!!!我o地去o左搵裇衫同睇戒子,第一次試戒子咋,不過d款好多,試上手都唔識睇邊隻靚,不過問問o下先知除非買display,如果唔係造一對全新最少要三至四星期,似乎我o地都買唔切去影婚紗相喇,唯有留番遲d影第二d時先影番啦,可惜!!!至於衫同鞋,今日都係搵唔到想買o既...聽日或下星期要再努力喇!!!!
F
回覆刪除