試衫記3

今日又去試衫喇,應該係最後一次了,因為試o左咁多間,大約都feel到自己喜歡咩style呢!!!

今日我伴娘Natalie都有陪我去睇衫呀,睇o左大半日,唔知佢有無被悶親呢??辛苦晒喇,另外,仲要多謝你d手信呢,嘻!!!

今日去o左兩間,兩間d衫都各有可取之處,唔錯!!!!

La Romance: 我同仙廸每人試o左四件,都算過足癮,因為好多地方都只可以試兩件呢!!!價錢算合理,WG方面都OK,唔難揀到心水,不過EG就難揀少少,而且無我心水顏色,要扣少少分!至於服務方面都唔錯,阿姐仲用"18"同"24"去形容金色o既金度,差d以為佢講腰圍...好搞笑!!呢度我試o左兩件WG, 兩件EG:

WG1: Deep V真身款,係Natalie幫我揀o既!!!本來我怕直身好難著,但著起上o黎效果又比相像中好!!Deep V位少少Sexy剛剛好,呢個應該就係我o既界線吧!!!!(Wow,仙廸&Natalie,你o地今日有眼福了....哈哈...我都係第一次著得咁性感...)

WG2: 一字膊A-line款,象牙色,裙身o既紗帶閃,無拖尾,行起上o黎幾方便!!一字膊位尚算OK,未至於想像中映得我太橫!!不過,如果條裙可以再閃d會好d,而家感覺唔夠grand!!!

EG1: 紫色直身款,釘工好重,隻色好似媽咪衫,但著o左上身又唔覺太似,反而有泰國Feel,都算特別...著o黎望o下都幾得意o既!

EG2: 金色直身款,有小拖尾,款都OK,但我唔夠高,裙腳好長,又唔可以改短,行路都幾易踩到自己,如果要做敬酒衫就唔多方便喇!!!!

Mee Wedding: 呢間係新舖,價錢算抵,d衫又好新,而且好多衫都無被改細,所以大多數都合身仲有鬆動位,唔似之前試o個d咁件件都拉唔埋...(嘻...似乎大多數新娘子都好fit,小妹仍需努力!)!!!呢度d衫雖然唔算多,但款色算少有,而且多數都幾閃,所以唔難揀到合心水,晚裝亦有我最愛o既顏色,唔錯!!!服務方面都好好,個o靚妹一個人應付咁多客都好好笑容,仲好健談,印像加分!!!呢度我試o左1件WG,2件EG:

WG: A-line款,裙身唔係好識形容,一層層咁,o係其他舖好少見到o既款,不過著o左上身無想像咁好睇,或者係衫身唔夠緊,著得唔夠修身吧!!

EG1: 深綠色直身款,好鍾意綁o係腰背後o既肩帶,正!!

EG2: 粉橙色公主款,我唔係好知隻色襯唔襯自己,只係覺得感覺好cutie,同我試o既其他款唔同!!似乎除o左我心水色外,我應該要諗諗有咩其他色可以帶俾人另一種感覺!!!

最後,我o地去o左羅浮宮睇相簿,今次睇得比較詳細,有o左之前o既試衫經驗,都有特別留意相簿d衫有咩款o岩自己!!!!由於有coupon,價錢真係幾抵,不過o係呢度join package亦有麻煩之處,就係無得試衫,睇唔到真衫有時都幾難知道自己係咪真係鍾意d衫,而且confirm衫後要俾錢先轉得款,都真係幾麻煩!!!!

五月佢o地要加價了,等我再考慮多兩星期先!!!!

P.S. 仙廸試o既再一次留番俾仙廸自己寫啦,嘻!!!