婚照拍攝之旅 ~ 後記

尋晚影完相番到屋企已經十二點半,由於仲未食晚飯,所以好肚餓,特別係Honey,於是我o地先回家放低d o野再去食宵夜,哈哈,影完結婚相可以放肆一下了,呢幾日唔使忍口,可以放心食多d,嘻,當然,難得瘦o左,我都唔會容許自己翻脹o既,哈哈!!

第二朝訓醒腰酸背痛,仲支力過做完劇烈運動,而且仲傷痕纍纍添:

由於成日都著住對三寸高跟鞋,左邊腳背被刮損o左,仲有四隻腳趾痺o左,失去知覺!!!

由於馬灣拍攝時陽光猛烈,沒塗防曬的我肩膊被曬傷至紅色一片(呢幾日千萬唔好拍我膊頭呀!)!!

由於穿著了大半天Girdle,肋骨位有點痛,像透唔到氣,唔可以太大力咳,後腰亦被刮損o左!!!

估唔到影相可以支力成咁,好彩今日係假期可以休息一下,不過,而家呢一刻再諗番影相當日o既一切,依然十分回味!!!