愚人節

長大後好似都未過過一個咁應節o既愚人節喇,今日都真係幾特別呢!!

好似平時咁番工,點知十點半左右,忽然間黑晒,停電呢!!!!

公司所有desktop同server即時down晒,好彩我係用notebook o者..!!!係呢個世代,無電無電腦,大家都無發開工,唯有o係office行o黎行去,疑惑緊發生乜事!!!好彩,大約十分鐘後電力恢復喇,大家回復工作...點知...個server都未boot好,我MSN入面都未得閒問其他人有無發生相同情況時,又再次停電了!!!!

大家又再疑惑,究竟係大廈問題定係地區性問題...只係覺得停電搞到大家做唔到o野,真係應晒愚人節個景,認真大整'古'!!!

 

約五分鐘後, 電力又回復喇,之後聽收音機,原來係有電纜被掘斷,只有新蒲崗一帶停電...我真係好彩,咁到俾我遇到!!!

 

下午五點幾,又有另一單'愚人'事發生!!!!

 

我有個同事發現唔見銀包,但公司坐得十幾人,地方一千呎左右,成日得九個人係度,大家又無出去食飯,事主又好肯定朝早係公司拎過銀包出o黎,咁...咁究竟個銀包去o左邊呢??閉門失sit?

 

九個人合力反轉office都搵唔到,事主唯有先打去銀行cut o左一張卡...

由於大家都覺得無咩可能咁細地方都唔見,大家仲講笑問係咪事主愚人節玩我o地...但又無可能咁無聊呢...

 

結果...第二朝早阿姐係一張無人坐o既椅邊搵番個銀包,原來攝住o左...認真大笑話呢,哈哈!!!