人心不足!!!

朋友一句"免費幫佢影啦~!"令我o係過去一個星期產生過多聯想,無可否認,對於今日o既外影offer有點失望...嗚...

事緣上週去影雜誌相,我收了好幾張卡片,其中一張是來自一位婚紗設計師Sarona o既,佢當日到場原來係特意挑選適合人選為佢o既婚紗相外影影相版,而我就成為了幸運兒!!!收卡片一刻,上星期撞番o既大學同學更為我講了句好說話,著Sarona考慮免費幫我影!!!

其實,我本來並無打算影HK外影o架,而家忽然有機會,仲可能係免費,我又點會唔興奮,哈哈,於是我就興奮o左成個星期,同身邊朋友分享啦,上網搵外影靚景點同其他公司o既外影相等等,總之就係相當興奮!!!

今日終於上去同Sarona同埋化妝師Will傾詳情喇,佢o地先介紹自己o既profile,再叫我o地睇相簿,佢o地一路都無提價錢或免費,我都開始feel到我會失望喇...好,開價了,是佢o地o既成本價,但不會offer我o地任何相簿/油畫,只會俾番20張相底...

噢,由朝影到晚去好多景點都只係俾番20張相底實在太少,而且出面好多公司呢個價錢已經有埋相簿同油畫呀...於是我o地再bargain多d相底,deal~!!!!

番屋企再搜集出面公司外影package o既資料,除沒有相簿同油畫(及後想要回多d相底,佢o地話可能會幫我另議一個實惠價),以相底數量、景點數量、造形數量及影相時間來計,我的package其實超值,而且做相版,我o既衫一定係最新最靚,所以,我理應係開心o既...之但係另一方面...我而家忽然要俾數千元去影本來沒有打算影o既香港外影婚紗照,而且先前係我發夢發得太多,人心不足蛇吞象,以為真係會免費,我個心又的確有少少覺得唔抵...而家心情真係複雜...

明天要去度身喇,因為佢o地想呢兩三星期內影(仲要平日,唔通我又要再'病'!),死啦,好突然,無乜準備呢,連戒子都未有呀,呢幾日要上網睇多d相,搵o下自己想影o既style,仲可能要買花呀...好急...