落湯雞!

因為大頭蝦細佬,今日我,爸媽同honey就一齊出o左黃埔食雲南米線,實在好掛住呢度d米線呀,yummy!!!!

之後我同honey就出o左尖沙咀行街睇衫睇鞋,又去o左CitySuper食好彈牙o既手打烏冬,仲去埋超巿搵Agnes介紹o既手打烏冬材料添(不過未買),行o下行o下七點幾,本來之後要去同我honey媽咪食晚飯o架,點知因為天雨臨時取消呢,搞到我無飯食,於是就買o左個冷麵番屋企食,諗住keep o下fit嘛,哈哈!!!!

番到屋企差唔多九點,d雨越落越大呀,我又著o左條牛仔褲波鞋,結果就半個人都濕晒喇,好狼狽,成個水人咁番到屋企,搞到地下都濕埋,哈哈!!!!

開餐,嘩,原來個冷麵入面係沙律,d生o既'草'同'葉'好難食呢...好彩我今朝唔記得食個雞批o者,總算個晚餐都食得落口呢,哈哈!!!