保持最佳狀態!!!

自決定下日子影相後,只有一個星期俾我準備,好似食少d、早d訓同好好護膚咁,暫時只有護膚呢一項成績唔錯咋,得番三日呢,真係要認真忍忍口先得!!!!

先講食少d,其實我已經俾'全盛時期'瘦o左三四磅,但腰同手臂真係好難減,因為我其實無做運動,輕o左只係靠番工o個個迷你飯盒建功,hehe...而且我塊面再瘦就無乜肉o架喇,所以而家只求臨影相前兩日食少d,等個胃腩無咁'突'啦,哈哈!!!

早d訓方面,其實都係想對黑眼圈淺d,但呢樣o野都幾難實行,因為唔知點解,夜晚硬係好多私人事務要處理咁,成日搞到好夜!!!不過,我都試過有晚十點半訓,但可能太早喇,結果'典'o左好耐,都係要差唔多十二點先訓得著呢!!!!而且,我個黑眼圈係長年累積o既問題,睇怕幾日早訓都無補於事,唯有靠電腦技術執走佢啦!!!

至於護膚,我上星期買o左Water Sleeping Pack,聽聞幾好用,於是我隔晚'fu','fu' o左兩次已經覺得d皮膚水份多o左,本來我右邊面係有少少紅印唔夠左邊面平滑,而家都好似被撫平o左,自己有時都忍唔住摸o下自己塊面,嘻!!!而且呢排塊面無出粒粒或小蒼,狀態好好,要keep住呢!!!