食在深圳

星期五放工趕上深圳,因為約o左honey食小肥羊,我好似好耐無食過喇,今次都一樣,諗住盡量叫小d,點知最後都係覺得叫多o左一樣,如果唔叫呢樣應該可以平d呢哈哈!!!

埋單每人80RMB,印像中呢個價錢以前可以叫多一兩樣食送o架,而家真係咩都貴o左,硬係覺得北上消費已經唔多吸引喇...當然,如果只講小肥羊o既話,呢個價錢都仲係比香港小肥吸引o既!!!

另外,呢日小肥羊坐唔滿,明明記得之前我o地次次食,就算食到夜晚十點幾都仲坐得好滿,但呢晚唔滿之餘仲可以話係好少人...唔知係咪紅雨影響呢?如果唔關紅雨事,唔通呢個就係小肥羊新股上巿跌破招股價o既原因?

=========================================================

第二日繼續食,不過我好失敗,唔記得帶o個本飲食指南,所以就食番之前食過o既'老北京餃子王'!!我o地叫o左招牌菜醬骨架,香菜肉絲抄野菇,蕃茄炒蛋撈麵同埋驢肉餃!!!個醬骨架無第一次食覺得咁好味,而且今次骨太多,好少肉咋,嗚...!!!