習慣事事預早計劃,人生大事當然亦不例外!!!由於早於婚期前年半已經開始籌備,對於同事,我一直認為不用'過早'通知,甚至覺得婚期前幾個月才通知亦不過份!!為免過早公開婚訊招惹同事閒言閒語,令佢o地覺得我一心諗住嫁而無事業心,甚至覺得我咁早準備'使唔使咁誇張',我決定保守呢個秘密直到今年年尾才公開!!
點知,紙包唔住火,更何況伴郎的細佬是我公司同事!!!所以,我結婚的消息很早便被我其中兩位同事知道,當我發現後,即靜俏俏用msn叮囑佢o地幫我保守秘密,幸好,佢o地亦十分合作,秘密一直保密到...今日!!!!
今日下午,老細不在office,我同另外三四位同事(其中一人是一早知我結婚的一人)lunch後傾o左陣計,我也忘記了當時的話題了,只知道其中一個同事忽然間問我"你都結婚啦,係咪?"!!!當時我嚇呆了,點解又多一個人知...由於我的表情早就出賣o左自己,所以...我今天終於正式向同事宣佈我的喜訊!!!!
公佈完我當然不斷問同事點解會知,佢話都係其他人傳,我當然懷疑係本來一早知的同事啦,但佢又話自己無,好似好無辜咁!!!
Anyway,而家距離婚期少於一年,同同事講未算'過早',而家一切都公開了,都無謂追究,就讓呢個消息開開心心o地公開吧!!!
傻瓜~~~ 結婚係喜事!!!! 雖然打亂左計劃 ( 本人都好好好討厭有任何野打亂我計劃, 我諗我會同你反應一樣~~喊喊喊) , 但點都無影響到結婚呀, 就當大家早少少同你分享你ge 喜悅嘛^^ ~ 快d 開心返啦!
回覆刪除[SkyBlue回覆07/02/2008 22:14:00]多謝你呀,我喊唔係因為同事知我結婚呀,而係另一件幾嚴重o既事,件事仲可能要一段時間先解決到...好煩呢!!!
至於同事呢...哈哈,而家都公開o左,當然唔再介意啦,仲聽到唔少恭喜說話,開心番!!
算啦，唔好咁勞氣，想當年我係d記都走勒，都早一年話俾同事聽啦﹗呢d係開心事，唔駛咁唔開心﹗
回覆刪除[SkyBlue回覆07/02/2008 22:16:00]Yup,其實公開一刻都有少少解放o既感覺o既,唔使再怕同事發現,又唔使瞞住佢o地,可能之前自己真係諗得太多啦!
唔緊要,結婚係開心事,做少少通知大家都ok呀
回覆刪除[SkyBlue回覆07/02/2008 22:17:00]yup,聽到大家聲聲'恭喜',又真係幾開心o既,我當初咁諗,可能真係太傻都未定呢!!!
冇所謂啦.....喜事黎既......唔好為左d咁既事以唔開心呀....加油!!!
回覆刪除[SkyBlue回覆07/02/2008 22:24:00]哈哈,未公開前真係幾介意人知o架,不過而家唔公開都公開o左,我識諗o架喇,多謝你呢!!!!