雙方家人第一次見面

今日父親節,相信對於我同我honey父親,呢個父親節都算特別...

...因為今日亦係我同honey雙方家人第一次見面o既大日子!!!

我同honey大約十一點去酒樓等位飲茶,等位o既時候仲走o左去買家居雜誌同睇HDTV!!

由於要等大台,所以等o左好耐,個半鐘後先有位呢!!!之後緊張o既時刻來臨喇,雙方家人竟然夾到同一時間到達酒樓,哈哈!! 雙方家長一見面就互相握手打招呼同自我介紹,完全唔使我同honey出聲呢!!!

開頭大家當然都係'互相認識'啦,特別係將注意力放係我的龍鳳胎弟妹同我honey的妹妹身上!!!之後飲茶期間o既個幾鐘入面,honey媽一貫地不停口,而我爸爸亦發揮佢健談o既本色,先前我同Honey擔心o既dead air場面完全無出現,事先買定同帶定用o黎增加話題o既o既雜誌都無上場機會,good!!!

成個雙方家長見面o既過程都算順利,講真,我都幾慶幸我爸爸係一個健談同圓滑o既人,面對我honey媽,我爸總算應對自如,實在鬆一口氣!!!(反觀我自己,我性格似媽咪多d,所以咁多年我其實仲未習慣應付honey媽的一套...!!)

飲完茶臨走,honey媽忽然向我屋企送上厚禮,一向知慳識檢o既佢竟然捨得花咁多錢送上厚禮俾我屋企,可見佢有幾重視今日呢次見面,真係無諗過佢會咁客氣,收咁大份禮我同我屋企人都有少少唔好意思添,真係多謝呢!!!

======================================================

 飲完茶我同honey又上新屋,仲帶埋爸爸問佢安裝電掣o既意見,o係我爸催促下,我同honey都開始覺得我o地仲有好多新居o野未諗掂,仲唔諗,九月開始裝修就會好'le hea',始乎我同honey要加把勁先得!!!!

======================================================

夜晚上o左honey屋企食晚飯,仲叫埋佢妹個男朋友,幾個後生仔好易相處,仲一齊打機,而且我再唔係'唯一'o既外人,所以今晚都算係我上去咁多次最'自在'o既一次,哈哈哈!!!!

P.S. 今日由朝食到晚(飲茶,糖水,豐富o既晚餐,生果同埋Tiramisu蛋榚...),認真肚滿腸肥...嗚...有排減喇!!!