夠照的九周年紀念

今日係拍拖九周年紀念日,仲記得兩個月前睇報紙提及到呢一日夏至,政府以及很多商廈都會參與一個名為'夠照'的節約能源活動,我先知道一直以來,我的拍拖紀念日原來是夏至(夏至於中國廿四節氣中代表夏天來臨,每年均在6月21或22日,欲了解更多,可參考http://hk.knowledge.yahoo.com/question/?qid=7006062202554!)!果然,今日的天氣亦十分晴朗,充滿夏天氣息!!

自得知今日有'夠照'行動,我就向honey表示好想食飯時睇到熄燈,估唔到honey真係有所行動,靜靜雞兩個月前打去洲際harbourside book位,等我之前問佢點慶祝時佢一時又答我book o左位,一時又話未book位,搞到我都唔知佢原來早就準備o左節目,直到一個星期前先知道,都算驚喜!!!

知道去Harbourside食buffet時其實好開心,不過擔心亦隨之而o黎,因為呢度o既buffet好貴,而且openrice上面o既評語近半年o黎都係麻麻,大部份人都覺d o野食唔值咁貴,所以我同honey都好矛盾,掙扎o左好耐唔知食唔食好!!

結果,諗清楚後,我o地都係決定豪一次,因為呢度真係有無敵海景可以睇到維港熄燈,而且咁出名又要咁早book o既buffet始終好少食,所以肉赤d都無所謂啦!!!

我同honey準時六點去到洲際,食評我唔詳談喇,各位有興趣可以去openrice睇!!!總之一早有心理準備,所以無乜失望,唯一有d驚喜o既反而係好少俾人提及o既食物,好似salad bar o既mixed cheese saurce, 粉葛湯, 甜酸雞,俾人話唔好味o既翅同埋甜品bar入面o既炸波波!!!

望落好吸引o既甜品bar,不過我試o左好少咋!!

雖然食物未至於超好味,但個無敵海景的確係好正,而且,我o地o既buffet時間係6點至8點半,所以可以飽覽維港o既日夜兩景,好靚呢!!!

到夜晚8點半,我同honey再o係酒店睇埋'夠照'o既維港熄燈,不過,由於好多廣告牌都唔係8點半熄燈,所以效果無想像中明顯,但睇到燈光催燦o既維港比平日暗淡,還是覺得好特別!!

熄燈前!

熄燈後,不過角度有d唔同,如果一樣就睇得更清前後對比了!!

食完飯同honey漫步海旁,嘻...都應該好耐無試過咁浪漫了...我o地係海旁再欣賞難得o既'夠照夜景',發現原來有d building或廣告燈到差唔多9點先熄燈,熄埋之後真係覺得維港黑o左,效果明顯o左(不過講真,雖然係比平日暗,但還是很光的,仲好'夠照'!)!!相反,無響應是次活動o既廣告牌變得特別'燦'眼,特別突出,我同honey都覺得呢d品牌(Philips,Sinopec,SOGO,李錦記等等)好衰,好唔環保呢!!!另外,由於熄o左燈,有幾座平日一眼望就認出o既signature building忽然變得好'低調',好似HSBC咁,我同honey都要搵一陣先locate到佢係邊,感覺好得意呢!!!

大家認得這個維港嗎?

拍拖九周年有一個咁有意義o既環保活動,我同honey都覺得今年呢個紀念日特別有意思呢!!