九周年了,過去八年係點慶祝o既呢?

今日係我同honey拍拖九周年o既紀念日呀,唔經唔覺九年喇,時間過得真快!!!

早兩星期同honey msn 數番過去八年o既紀念日究竟係點過!!哈哈,老實講,我除o左第一年比較有印像外其餘都無乜印像,而我honey比我記性好,記得多d,而且自02年honey去長江開始我就有寫online日記,所以都可以搵得番四周年或之後每年係點慶祝!!

不過,對於二同三周年,我同honey都無乜印像,因為實在太耐喇...

今晚我特登搵番以前影o既菲林相睇番,希望可以搵到線索,可惜...d相原來係無寫日期o架!!!唉,跟本唔知d相係邊年影...

搵搵o下,好彩,緊有o既幾張有日期相入面,俾我發現最接近三周年o既一張,張相係我隻麥嘜公仔戴住我o係新疆帶番o黎o既帽影o既...噢,係喇係喇,原來三周年o個日我正身處新疆o既交流團未番香港,所以當年係無慶祝o既...

至於兩周年呢...唉...睇極相都無印像,似乎我o地都係記唔番o架喇...

只差一年就記得番晒o架喇,真有點可惜呢!!! 

等我介絕o下先,麥嘜仔仔係我honey第一樣送俾我o既禮物o黎o架,估唔到係佢呢張'肉'照勾番起我對第三周年o既記憶呢!!!

p.s. 睇番以前honey同我d相真係好好笑,以前兩個都瘦瘦o架,而家兩個都肥晒lu!!