平凡生活裡的甜點

今日起身病病o地,有鼻水同少少喉嚨痛,不過又只係好輕微,諗o左好耐請唔請sick leave,不過最終都係無請...支力少少照番工啦!!!

自從番o左呢份工後,硬係覺得日日都好似一樣咁,做人好似少o左好多動力咁,無晒衝勁,都覺得幾悶o架,有時,真係要識得搵一d理由去支持自己應付每天刻板o既工作!!!

o係而家o既番工生活入面,一整天裡唯一o既娛樂就係lunch time食完飯盒伏o係台面合埋眼聽Online Radio,最鍾意就係聽阿葛o既'久久久 但願人長久'!!呢個節目真係好窩心o架,聽住其他人回憶自己點結識另一半,點掛住屋企人,真係成個心都暖晒,我好多時都聽到忍唔住嘴角都泛起微笑,因為每個別人o既故事都真係好sweet好動人,再加上阿葛有時扮聲(成日俾人認o左仲阿嬏!!)玩人,真係好搞笑!!!好多時,聽完呢個節目我都會心情好d,再提起精神應付下午o既工作!!!

放工後番到屋企通常七點幾八點(其實都唔太夜),之後另一樣好鍾意o既娛樂就係睇'同事三分親',呢個節目係我近年比較欣賞o既,因為呢個處境劇o既編劇好有心思,劇情發展好多時都會令人有驚喜,仲會會心微笑同感動(好似尋日昌哥同Doris求婚一幕咁!),所以我同爸爸都好鍾意睇完呢套劇先做其他o野o架!!!!

自從聽聞'同事三分親'拍到七月就完後真係好唔捨得,如果套劇真係做完,希望我能夠搵到其他'甜點'去令每日平凡o既生活增添歡樂感覺啦!!!