夢見六合彩號碼

尋晚發夢中o左六合彩,訓醒後記得其中五個字(包括特別號碼),於是成日就記實o個五個號碼等放工去買!!!

由於只記得五個字,第六個字唔多肯定(其實都大約記得,有兩個option),最後就用呢五個子撘唔肯定o既兩個字買o左兩注,最後一注就唔買特別號碼,用我唔肯定o個兩個號碼!!

結果...開獎喇,頭二三獎無我份,但有一注真係中o左三個字喎(夢中o既特別號碼竟然唔係特別號碼喎,如果唔係我會有兩注中三個字了!!)!!!減番我買三注o既錢,即係嬴o左五蚊呀,哈哈哈!!!

雖然只係小小o既五蚊,但今次我好開心呀,因為我已經好耐無中過六合彩喇!!而且比起買電腦飛中三個字得個和,今次竟然有五蚊賺到,算係好叻喇!!!仲有,今次係我第一次自己畫number中六合彩o架,之前未試過,真係好興奮呀,覺得自己個夢都幾準咁,感覺好得意呢!!!