番o左兩個星期工o既一位U Grad女孩眨o下眼又話要走喇,當然,原因並非如之前四位同事一樣啦,理由很簡單,因為佢的visa批了,要過外國!!!
其實,我係比老細早一日知道佢要走的,話晒我同佢係team內唯一的女伴,年紀相近,又一齊帶飯,雖然只相識兩周,但都算傾得埋,所以佢尋日已經同我透露了佢o既打算!!
今朝佢搵老細,相談不夠幾分鐘就番埋位,我用email問佢老細反應...哈哈,一如所料,當然係'shocked'啦,特別係當佢知道呢個係一日通知o既時候!!!
Farewell Lunch後成個下午我都好忙,臨放工仲要俾老細捉去開會,只能'係咁易'同女同事say句goodbye,我覺得佢望住我o既時候有d'唔捨得'呀,搞到我都有d唔捨得添,難得有個細過我o既'妹'俾我睇住...好彩,我尋日都醒目地問o左佢拎MSN,總算仲有個聯絡!!!
放工開會,唉,都預o左又要夜d先放到工,特別係個會後半段我其實唔在場都OK,加上我爸等緊我走,所以歸心似箭o既我心情麻麻!!!
會一散,我即刻衝番位拎袋走,忽然一陣暖意湧上心,因為我望見我台上面放了一條金莎,紙上寫住:
"Feon
希望你鍾意啦!
女同事"
多謝你呀,祝你過到外國後一切順利啦,加油!!!!
=================================================
講番開會,開到中途,d senior同事教了我一些process可以點做,之後就話'拿,呢d就係你o係呢度可以學到o既o野喇~!!', 老細於是承勢再講"所以呢,你可以再考慮o下o架~!",之後佢仲講o左幾句,仲話我知上星期join 我o地team o既同事就係o係XXX公司過o黎,佢o地公司係點點點,你可以問o下佢o架!!!!
其實我由頭到尾都唔肯講我去o左邊間公司,因為我知呢行好細,成個香港做o黎做去都係o個班人,但點都估唔到世界真係咁細,老細好似已經猜到我的確係去XXX公司咁,當然,o係佢o地面前我都係一貫地無寧兩可,既不承認也不否認,至於老細o個句叫我再諗o下留唔留低,我結果都係以我一貫o既傻笑耍去了,咩都無回應,當聽唔到/笑話!!!!
前兩日另一個senior同事都有搵我傾,遊說一輪後我都係話我唔會留低,估唔到今日開會都有說話要聽,雖然佢o地用好輕鬆o既口吻去講,唔係迫我,但老實講,我真係唔係好想聽到呢!!!!
