見工

尋日開始要過海番工,比平時早成個鐘起身呀,都有d辛苦!!

由於太耐無迫火車,再加上開學,火車上面真係好迫好辛苦,去到TST轉地鐵,仲覺得自己步速慢o左,俾好多人超前,哈哈,睇o黎之前成大半年都係坐巴士番工,久沒訓練急速步行,退步o左,哈哈!!!

今次呢個project係去一間trading公司,間office都好新,仲有無敵海景,有d似我公司位於黃埔o既office,只係座位較open,好易俾人睇到電腦mon,無咁Free!!雖然轉o左site,但暫時我都仲係做緊之前個project,真係好希望快d甩身,做新Project學多個Module先走...

=====================================================

今日sick leave去見工,一上到樓就撞鬼(詳情請看不想見的),見到一d唔多想見到o既人...(不過我其實一早知呢個人係呢度做緊,我入到去仲要日日見住...)!!!

到interview喇,由一男一女team head in我,過程都幾順利,而兩位team head 笑容都幾親切,雖然我唔知我觀察人o既本事有幾高,但感覺佢o地兩位都係reasonable同好nice o既上司,如果係真o既都唔錯!!!!

如果我無feel錯,我估佢o地最遲一個星期內就會confirm offer,而且我收到風(都說過我呢一行好細,o黎o黎去去都係o個班人),呢間公司應該係搵到人識peoplesoft就差唔多100%會offer,所以我諗我都幾大機會!!!

如果真係有offer,睇o黎我好快要做決擇喇...真係要好好諗o下...

考慮因素	現時公司	新公司
工時	不能準時走的機會>80%	準時走的機會>80%
壓力	要受user氣,因為人o地始終係客、係俾錢o個個!!	做in-house就算被人催,o個d都係'同事',壓力無咁大!!
公司規模	雖然係和黃子公司,但公司規模始終較細,不過人事較簡單,彈性亦較大	大公司,人事始終較複雜,彈性亦較小
Team規模	發展少於兩年,現時大約十人,還在expand中!!Team中除個別一兩個外,主要係較junior o既staff,所以多數project要靠其他姊妹公司的'猛人',還未有能力獨立接job及建立屬於自己公司的一套運作模式!! 手頭上有幾個大job,未來一至兩年唔愁無job,但傳聞今年條team蝕錢,即現有o既project賺唔到好多,前境不明朗!!!	約十二三人,發展大約十年,運作較systematic!!
福利	Perm,有Medical&Dental, 無雙糧亦未必有bonus	1年contract,唔promise會續約,只係話佢o地都Plan緊出年o既project,到時要人手就多數會續之類…!!!有Gratuity,應該無Medical同Dental
發展前境	由於人手短缺Project多,學習機會及發展空間較大,亦有機會晉升!!由於係consultant角色,對於客人公司的了解始終隔一層	流失率唔高,可能好多人諗住'做成世',晉升機會微!!但接觸user的機會較多,有機會認識到公司o既business flow
其他原因	1. 同事話聽聞Big4都開始cut人,似乎成個巿道同就業前境都唔多樂觀,要轉工睇怕要襯今年年尾前!! 2. 我跟同事有份involve o既project好混亂,之後o既support一定好繁重,特別係明年一月上HK o個part o既時候!!

 

如果真係出offer,咁究竟我應該點決擇呢??