成地玻璃碎片

噢,今朝一早知道要番工真係好失望呀,仲以為個風咁勁會遲少少先落風球添,而且尋日我被d風聲搞到訓得好差,今日真係好眼訓!!!

唔知點解,硬係覺得今日好少人番工咁,唔知係咪以為仲打緊風唔知醒呢??去到紅磡轉小巴,嘩,好塞車呢,原來有棚架lum o左,所以封o左條路而要兜大圈呢!!!

塞塞塞,終於落車,向住公司方向行,嘩,做乜成地玻璃碎o既??仲要係好多好多o個隻,全部真係淺藍或深藍色,於是我咪台頭望睇o下係咪附近街燈有裝飾吹爛o左囉,點知又唔係喎!!!再行行行,到公司附近喇,封o左成條行車線,仲有好多唔知係保安定消防o既橙色人企係度台高頭,我於是又台高頭,嘩,原來係公司玻璃幕場爆o左呀,仲要唔只一隻,後尾聽同事講,原來其中一間爆玻璃o既就係我公司對面個office,好似話office入面d o野吹都亂晒呢,仲好似話向海o個邊仲誇張,成排玻璃爛晒添呀,估唔到個風真係勁成咁!!!