女人的成就

自從番o左灣仔後,今日係我第二次撞到同一對母女,忍唔住想講o下,因為呢位媽媽真係好吸引,忍唔住幻想,如果自己同佢一樣,有個四五歲o既女都仲可以keep得咁正就好喇!!!

呢位媽媽年約三十,或者更年輕,身形高高瘦瘦像模特兒,肚皮平平的就像從來沒有生過BB!!媽媽外貌雖然唔算美若天仙,但淡妝底下感覺斯文高貴!!第一次撞見時她留有一把長直髮,今天所見,她已把長髮剪短到大約在耳仔對落位置,感覺新潮美麗,很有型格!!!

她身穿黑色襯衣,黑色西褲再加黑色高跟鞋,應該是在大機構工作的中高級行政人員吧!她身上沒有戴上多餘的首飾,只在右手中指戴上一隻鑽石戒子,沒有一卡也有七十分吧?散發著高雅o既貴氣!!

兩次她都是帶著工人及大約四五歲,身穿幼稚園校服的女兒坐火車到九龍塘下車,應該是親自帶女兒上位於九龍塘的名牌幼稚園上學,車程間,佢會陪女兒玩學英文o既小遊戲,女兒雖然不算很可愛很靚女那種,但不難想像佢長大後,應該會像媽媽一樣高高瘦瘦!!睇住佢開開心心地跟媽媽玩'F for Fire', 'S for Shirley 媽咪', 感覺很是聰明乖巧...

總之,我於整個車程中,實在忍不住不斷打量呢位美麗媽媽,雖然只係憑外表推測,但總係覺得呢位媽媽年輕美麗、清雅高貴,有位乖巧女兒及愛惜家庭兼事業有成o既老公,雖然家境富裕不愁衣食,但自己仍然努力工作擁有自己o既事業,更能夠成功在工作及家庭中取得平衡,一位時代女性能夠擁有這一切,真的令人十分羡慕呢!!

唔知自己將來又可唔可以好似呢位靚媽媽咁成功呢?...um...不過先唔講其他,只講高瘦身型已經好難做到呢...哈哈...