尋日出去行街o既時候其實個心好想好想買o野,雖然而家無收入,但想買o既o野又好多...今日,我就用o左二百大元買o左一頂Cap帽,頂帽上星期已經睇中,係韓國製o既,雖然幾貴,但我尋日見旺角銅鑼灣都無類似款式,所以今日決定擁有佢,由行入間舖頭到俾錢,相信只係一分鐘...!!!!!!有時都唔知有咩方法可以抑制住自己呢種購物慾!!!!
由我個寶貝做model示範我頂淺粉紅色繡金線Cap帽,係咪好有型呢??
以下係我目前想買o既items:
1. 船底涼鞋 (睇雜誌話今年好興,加上我未著過高跟鞋...所以好想試!)
2. Mo記A1200 (之前都提及過想買,尋日番貨,但周圍都未見有現貨,Mo記專門店仲話已經賣晒,真搶手...而家我等佢出紅色,忍到手o既話希望等佢跌多少少價先買...不過如果有新機個mon大得過佢我唔排除我會見異思遷,哈!!!)
3. 激光矯視(呢樣唔係一樣item...不過價值不菲,其實諗o左半年喇,仲未實行,似乎都係有份工先實行會安心d...唔知幾時先唔使做大近視一族呢...)
4. 仲有...一大堆濕碎物品...好似衫呀,裙呀,化粧品同護膚品等等...
女人錢真易賺...
好大手匹喎， 船底涼鞋係我夏天嘅至愛啊， 不過好難買， 因為好多時睇中嘅都太高了， 我最多著到２吋半咋， 雖然我唔算好高， 旺角多唔多新季鞋賣啊？ 我都想去睇睇啊， 因為返新工又可以多個借口買嘢囉！ 嘻嘻！ 其實仲想買好多嘢， 不過無錢囉！ 嗚～～！嗚～～！！ 嗚～～！
回覆刪除我都唔可以著咁高的鞋，我的鞋大多數都2吋高，但係朋友見到都會話好高！後尾我個妹話比我知：因為你隻腳細呀(so？)，所以個同樣係2吋著係你隻腳個slope會大d架？？
回覆刪除我都唔可以著咁高的鞋，我的鞋大多數都2吋高，但係朋友見到都會話好高！後尾我個妹話比我知：因為你隻腳細呀(so？)，所以個同樣係2吋著係你隻腳個slope會大d架？？激死！ 我都睇中左個電話想換架，其實就無咩特別function不過我貪佢粉紅色好靚，同有130萬象數的相機，影相放上Blog會剛剛好！雖然唔貴，只係千幾蚊而且仲可以分期付款，而我男友都話買比我。但係係呢個失業的時候仲換手機好似唔係幾好(仲要部機係一d問題都無，而且用左未到一年)所以我都係用我的理智忍住！ 加莉：你就好啦，我好羡慕你可以買野呀，雖然我仲有錢駛但係都係唔好意思買野，所以我而家我去街都係window shoping咋！
回覆刪除To 加莉: 上次行旺角唔太多涼鞋呀,可能仲係o岩o岩轉季,款式普通啦,加上我未著過高跟鞋呢,所以都唔敢買太高,唯有慢慢再等多d新款先算啦!!! To 午夜飛行: 會妹個理論幾搞笑喎,哈!!!!!另外,我都有同感無收入仲想買咁多o野好似好無安全感,而且我想買o既o野都幾大手筆,所以真係唔可以心急買呢!!!!
回覆刪除你個blog, 幾特別wor~!
回覆刪除