我的歌

由於要交功課關係,我作o左我第一首歌,雖然唔識編曲,亦無時間去研究,只係簡單o既midi單音同沒有文采可言o既歌詞,但完成首歌o既一刻都幾有滿足感呢!!!!!

首歌其實前晚已經作好,如果有時間同心機,我諗可以配埋chord,首歌係慢歌,仲有係小調,本來想叫我Honey填詞,咁我o地就可以合作完成呢個結晶品,但最後佢都作唔切,除o左無時間外,佢仲話我首歌好悶,聽到佢想訓覺呢!!!!最終今日我作o左成日詞,發覺廣東詞真係好難填,d音好難配,加上我本人最唔鍾意作文,詞匯又有限,又諗唔到主題,真係好難作!!!幾經辛苦終於完成,寫o下寫o下首歌變o左係慘情歌,講個女仔為愛甘願被男生欺騙也無悔一起...自己最滿意o既係chorus部份,無論曲定詞我都覺得寫得幾好,至於其他部份呢...唔好提lu,d詞有d位都幾唔順口...哈!!!!...由於lecturer話交功課可以唱埋,所以我都有錄音,但因為時間關係,我未開聲未練熟首歌就要怱怱忙忙咁錄音(清唱)燒碟然後趕上堂交功課,如果有多d時間,我實可以再唱好聽d呢!!!!

雖然首歌係我第一首作品(亦可能係最後一首),但呢首歌絕對唔係代表我心聲...至少自己寫完也沒有共鳴,要感動人似乎難過登天囉,哈!