難忘的一分鐘

昨日提及的見工經驗,就讓我跟大家分享分享啦!!!!

我尋日其實去o左將軍澳2nd in!!!其實我上星期一,亦即我去之前提及的公司final in的同日,已經去o左將軍澳1st in!!!講尋日的經驗前等我講o下我1st in 的經歷吧!!!!

1st in當日,在等待接駁巴士前往時已經見到很多formal dress,打扮professional的女孩,當一行十人一齊走向面試場地一刻,我真的感到十分膽怯,仲打定'今次入去當是見識見識'的心態,心情可謂'戰戰競競'呢!!!!

由於同一時間太多人面試,只好分批化粧set頭,而我,有幸成為第一批化粧的人,不用等候!!!其實我早有心理準備,知道是要試鏡的,但我真係無諗過會有專人化粧set頭呢!!厚厚o既粧容,沒有半點髮絲飄起的整齊髮形...睇見自己呢個'新面目',真係好唔習慣呢!!!!

化完粧後我就去o左一間房填表同做筆試,筆試係要在45分鐘內將一篇稿英譯中!!!大家也知我最怕寫字作文,正頭痛間我忽然被叫往試鏡...老實講,化粧時叫我睇熟的三篇稿我還沒睇熟呢!!!入到廠,只見另一個女孩已在試鏡了,睇見佢很淡定,沒有'窒',自己都有d膽心自己能否成功讀好三篇稿!!!到我了,對於自己能夠坐在這位置,於鏡頭中看見自己,實在感到既神奇又興奮,不過還好,並沒有出現顫抖的狀況!!!整理好儀容後便正式錄影了,第一篇讀得還好,但第二篇開始我便不斷'窒',自己也留意到自己被稿件影響,常常在不應停頓的地方停了...加上第二篇是足球球賽賽果,那些球隊名及球員名真的很難讀...結果,我一直'窒'到第三篇...

試鏡完畢,再交埋那篇英譯中稿件,終於可以離開了,整個面試竟然用了兩個多小時呢!!!離開一刻,大家猜到我第一件事會做甚麼嗎??...哈哈,就係衝去洗手間用水洗掉那厚到不能再厚(可能誇張了...但至少是我出生以來最厚的!!)的粧容了!!!!坐接駁巴士離開途中,我還跟另外兩位女孩子傾計(其中一個幾靚女,係編輯,又高又瘦,雙眼大大,單看樣子已令我覺得她能成功得到offer呢!!),大家都覺得就算面試失敗,但也很值得,因為試鏡的經驗真的既難得又好玩呢!!!!

回到家,我也是第一時間去卸粧!!!結果,在我的稿件被收掉,粧容給卸掉後,我才驚覺是次interview我唯一能帶走的,只有我的記憶呢!!!!!真失敗!!!!!!

************************************

事隔一星期,我收到叫我2nd in的電話!!!電話中講明只做多次試鏡,嘩!!!!!!!太高興了,雖然我覺得叫我重覆試多次鏡可能係因為我表現不理想,令我處於出局邊緣...但唔理咁多喇,今次目的只有一個,就係帶定相機影相留念!!!!!

去到面試場地先知原來今次得三個人咋!!!!仲要咁o岩就係我第一次in走時識o既兩個女仔添,不過其中一個有offer所以無o黎呢!!!!

今次同上次一樣,首先去化粧間化粧set頭同埋睇熟試境的稿件!!唔知係咪有心理準備,今次的粧感覺上似乎沒上次般厚,不過今次我的頭髮沒有束起,好像沒上次好看呢!!!至於稿件,今次沒有體育了,改為財經,似乎是考讀數字,比上次有趣!!!

化好粧後,我o地被帶去上次譯稿的地方,由一位多年經驗的劉小姐教授技巧同指出我o地的問題,希望我們試鏡時注意,並加以改善,'希望你o地表現好d!'呢!!她指出我沒有懶音,但讀得太平淡,除了常在不應停頓的地方停頓外,我讀得令人'聽不出重點',應多點高抑揚頓挫!!!而另一個女仔就讀得比我流暢,不過就比較快,而且咬字有懶音!!!教完後我o地得幾分鐘練習,話咁快又入廠喇!!!

由於有第一次經驗,加上我抱住'入o黎影相留念'的心態,所以今次一點也不緊張!!!話咁快錄完了,窒就實有少少,但自己都真係改善到,試完一刻(停O左機o架喇)劉小姐見到我伸脷,仲同我講'無o野呀,幾好呀!',嘩,都幾開心o架!!!臨走前我o地大膽問劉小姐可唔可以o係廠入面影相,本來佢差d想俾,但最後都係以'唔係幾好'o黎拒絕o左我o地,我o地唯有係廠外影相留念!!!我仲同又高又瘦位女仔合照添,哈,到時佢成功有offer我就可以話我同佢合照過,哈哈哈...

今次interview,我特登無卸粧就趕番屋企影底自己個上粧look,哈,雖然日光日白帶住個咁'行'o既粧都幾驚引人注目,不過難得有專人化粧同set頭嘛,所以番到屋企我狂影o左好多張相留念,再加上今次有拎走我試鏡篇稿,哈哈,彌補番上次o既失策,今次認真收獲豐富,YEAH!!!!

************************************

雖然我其實已經有了決定,但能夠進入2nd in我還是很高興很興奮也很為自己能有勇氣爭取機會而自豪!!!!...雖然有了決定,但我還是希望能盡力去到最後一刻!!!!!

o係呢次interview經驗中,最enjoy是甚麼呢???...哈哈,我想,可能係o係熒幕中見到自己的樣子吧 !!!!

現送上我的Professional Look與我的素顏Look的對比圖,兩張圖我也沒有加工的,還把兩張相中我的面形大小調校到一模一樣,有朋友話上粧後好似瘦d呢...希望個粧不會太濃,素顏look唔會太素(連唇膏也沒搽的呢!!!),嚇親大家吧!!!!