我o地一行十四五人,由於地方細,我o地只可以拍埋一大一細台咁坐,坐得好唔自在,再睇餐牌,嘩,好貴,魚香茄子煲都要$70呢!!!其實呢間o野得幾味食送係有蛇,其餘都係普通小菜, 最後我o地叫o左蛇羮,炸蛇丸,蛇腩煲,臘味飯,魚雲煲等,不過每一碟都好細,食完大家都唔多夠飽,仲話要過杏花樓食糖水添!!
不過我就無去食糖水,因為之後我去o左搵我Honey,仲特登去屋企附近間蛇舖再食多碗蛇羮,比較之下,的確係中環o個間好味d o既,但價錢相差一倍呢!!再之後我o地再去食糖水(可想而知今晚真係幾唔飽),去o左彩虹食一個叫'糖癡豆' o既甜品,yummy!!
又睇完一套日劇,今次睇由《女皇的教室》的童星志田未來主演o既《14歲的母親》!!之前睇報紙話呢套劇係日本收視唔錯,而且題材亦具爭議性,所以好有興趣想知編劇會帶d咩信息/教育意義俾觀眾!!
14歲便大肚,在現今社會,無論是保守的東方或較開放的西方國家,相信都不是一件容易為人接受的事,故事主角一瀨未希卻決定把小孩生下來,在受到家人、朋友、鄰居、甚至整個社會(事件被雜誌編輯報道出來)的誹議下,未希堅定的信念令佢勇敢地承擔責任,最終生下小寶寶,成為14歲的母親!!!
整個故事太理想化、簡單化、童話化了!!!或許因為要做出由'14歲'的角度看整個故事的感覺吧!!未希跟小寶寶的爸爸最後決定退學,投身社會打工養活小寶寶,不想依賴父母,原因是就算待小孩長大,四五年後自己亦只是十九歲,還有時間重頭開始...聽完後,我覺得編劇的意思彷彿是:'青年人,要做錯事就要盡早喇'...
雖然主角的確很勇敢,願為小生命作出承擔,但真希望觀眾不要忘記劇中主角有著種種美好'條件': 家境不壞、父母體量及明白自己'事已至此,唯有支持'o既處境、寶寶爸爸出身名校、深愛未希、甚至學校亦大方願意讓未希休學而非退學...在此種種美好條件下,這位14歲的母親及小寶寶的將來當然不會成為大悲劇,但試問現實中,又有多少未成年的未婚媽媽能擁有這麼優厚的條件呢?
把小生命健健康康地養育成人並不簡單,主角雖然有堅定的信念,但現實亦是殘酷的,我認為當初的信念是否能堅持到底反而更值得拍成劇集,要知當初一個勇敢的決定並不表示自己能當上一個好媽媽,不知道此劇會不會有續集呢?!!
官方網頁: http://www.ntv.co.jp/14/
一開始就玩Sports Game,有Boxing, Baseball同Tennis,同事們都話我好快上手,學o野快呢!!之後我o地又玩mini game練習點樣控制個手制,之後又四個人對打tennis,最後仲打Baseball,我打出好多個Home Run,結果7比0嬴o左,同事們都用奇異o既目光望我,因為我初玩就打o左咁多個全壘打,絕對唔係撞彩...哈哈,似乎我好有天份呢!!!
嘻嘻哈哈咁連續打o左四個鐘先走,結果番到屋企隻右手舉唔起咁滯,成晚雙手支力到郁唔到咁呢!!玩完一次Wii,好玩就好玩,不過的確幾擔心會拉傷手,因為個手制太輕,但你玩時就當自己真打,所以好易用力過渡,所以勸各位玩之前真係要好似做運動咁熱身,唔係就好易傷到自己!!!
今朝一家五口去o左飲茶,之後同Honey出沙田行o下街,好快就到夜晚喇,好happy,因為今晚我有得去中文金曲,仲要坐Row 1呢!!!
由於我手上三張飛都係免費,所以全部單丁位,其中兩張相隔一條走廊,另一張就係台o既另一邊,好頭都怕搵唔到friend去要埋第三張飛,好彩翔唔介意肯去呢!!!
入到場,哦~原來Row 1實際上係第五行,不過都好前,睇得好清楚,雖然絕大部份時間都係睇d明星背面,但都可以正面咁遠望坐係台邊o既明星,仲坐係一班基仔fans前,氣氛都算一流呢!!!
等到前面兩個坐位的人來到時,我同honey即刻建議對方調位坐,咁就可以前後坐而唔使分開一條走廊坐,就o係呢個時候,我發現眼前呢位仁兄好眼熟,掙扎o左好耐,最終都鼓起勇氣問佢係咪我認識o既恩記師弟,結果原來佢都o係度掙扎問唔問我係咪feonko,哈哈,好開心見番佢,畢業後大家都無聯絡,只係由我爸口中得知佢近況咋(我爸同佢伯父係同事!),原來佢下星期會番恩記實習呀,佢仲諗住約Miss Cheung同我一齊食番餐飯呢!!!
講番今晚,成晚節目都幾豐富,唯一係覺得見o黎見去都係o個幾個歌手,而commercial break時,大會都安排o左唔少以前o既中文金曲經典片段睇,都幾好!!最令我印像深刻係佢播番譚校長宣佈唔再領獎,相信當年fans聽到一定好震憾!!另外,其中有段片有哥哥出現,現場即刻勁多人拍手,似乎好多人都好懷念哥哥呢!!!
左上: 綜觀全場,唔使審,一定係劉華Fans最人強馬壯啦!!!(另外,出奇地周筆暢都有唔少fans,秋官都有兩行fans o架!)
右上: 草蜢呀,今晚傑仔好型仔呀,好鍾意佢呢個髮型,我下星期約定你o地係紅館再見面!!!
左下: 用相機zoom埋去d歌手度,但完來第三張飛係坐係班歌手附近,勁近,翔就好啦,可以咁近睇住d明星,留意佢o地一舉一動!!!!
右下: 基仔拎傳媒大獎時fans o既尖叫聲大到令我耳仔都聾呢!!哈!!
以上就係我今晚影到o既相!!其中容祖兒,華仔同Eason都有行過o黎我呢邊,好近呢!!!
左至右,上至下:
1: 會場!
2:鄭融對鞋好鬼高呢!!不過無可否認,佢條小蠻腰真係好幼呢!
3:場內咁多歌手,除華仔外,基仔都算最靚仔喇!!
4: 祖兒,佢條裙幾靚呢!
5: Eason,佢一唱歌,d基仔fans即係收晒d牌坐定定唔出聲喎!!
6: 泳兒,佢件衫好似lolita...感覺好似旺角o個d...好唔掂!
7:光良,現場聽又唔覺佢唱得好,把聲有少少雞仔聲,幾怪!
8: 筆筆,佢d fans坐o左係唔同角落,留意左上角的簡體'筆'營光牌,好搞笑!
9: 側田,好細粒...
10: Twins,成晚只係覺得阿嬌個打扮好特別,掛住望佢我都唔記得望阿Sa
11: 劉華,勁近呢,不過佢咁短頭髮無咁靚仔!
12: 克勤,成晚都係覺得佢唱歌最掂檔!!聽出耳油!!
13: 張敬軒,官仔骨骨,唔錯!
14: 王宛之,山頂有一兩個fans大叫Ivana呢!!
15: 秋官出場全場氣氛最熱烈,有dancer有煙火,果然勁'秋'!!
16: 陳慧嫻,終於搵到個矮過鄭融o既人喇,可能佢對鞋唔夠鄭融高...佢唱o個首歌都幾好聽呀,不過我諗極都諗唔起首歌叫咩名,有無人話我知!!
17: 蔡琴,我無影佢相呢,見佢出場我第一時間諗佢o個個係咪假髮...
18:千嬅,佢都有唔少fans坐係基仔fans後面,有埋poster添,但全晚都好靜好乖,無乜出聲!!!
WOW,估唔到驚喜陸續有來!!!忽然知道大老細恩准女士們lunch後就可以放工去扮靚喎,太好喇!!!我今朝無帶定副灰色con出o黎,本來都掙扎緊番唔番屋企拎,而家有個女同事話佢都番我住o個度附近做facial,yeah,有人陪,咁我就大條道理山長水遠咁番屋企喇,yeah yeah yeah!!!
五點幾去到會展,首先o係場外o既booth整香薰油擺設、生肖剪紙同水晶紋身,大約七點就進場喇!!!今晚有一百一十多圍,大約千三人,估唔到第一次去annual dinner就可以見識到咁大場面,而我坐o個台都幾前o架,睇表演好清楚呢!!!
今晚由賈思樂同一個鬼妹做主持,一開場由一班高層o既小朋友著住唔同民族衫表演,好可愛!!再之後係一位金髮美女表演空中絲帶舞,好好睇呢!!!之後邊食飯邊玩遊戲,仲有兩隊才藝表演比賽,其中用英文演大戲o個種好搞笑,好佩服佢o地o既創意同心思!!今晚表演家賓係葉麗儀,佢唱o左好多首歌,不過我只識一兩首,跟住d同事都係度扮話佢o地都係第一次聽,勁搞笑!!!
終於睇o左왕의남자(王的男人)喇,呢套韓片係上年韓國最賣座電影,李俊基仲因為係呢套戲係面o既'嫵媚'演出而人氣急升!!
至於李俊基呢,佢成套戲都'嫵媚'得像女人,感覺好自然唔造作,就算我係女仔都覺得佢好'靚'同幾吸引,難怪佢o既演出帶俾佢唔少新人獎呢!
朝早忽然收到email話我星期五Annual Dinner要做helper,噢,我明明話o左唔去喎,點解我會係個helper list出現??其實尋日同事派Annual Dinner抽獎券時我已經證清番我唔去,仲準備退票,而家仲要做埋helper??
了解完一輪後,原來問題出於兩星期前,我o係Annual Dinner報名表上填o左想去,張表交出去後去到負責同事,佢見我係contract staff,所以通知我無得去,如果想去就要做helper!!!...噢,既然我名不正言不順咁就算啦,所以最終我答覆番唔去,但唔知點解,竟然無人幫我update番報名表(當時報名表已交o左嘛,唔係我手我又點改呢?),就係咁,安排helper工作o既就當我會去,加o左我名上helper list...!!!
諗o左一輪,由於見到helper list有我相熟o既同事,而我本身都想見識見識(恕我失禮,我未去過任何Annual Dinner o架!),為免又勞師動眾退票同令helper team重新安排人手,所以而家決定星期五去喇!!!
而家心情忽然好興奮添,唔知使唔使著靚少少呢??聽日會有helper briefing,希望工作量唔heavy啦...仲有仲有,最最最希望我當日Lucky Draw有著落啦,哈哈!!!!
入到去一刻已經覺得後悔...因為入面都幾簡陋,門外面望入去黑漆漆所以無為意!!算啦,都係o左去,唯有試一試啦!!上第一碟菜,一試,味道中等,但份量太少...接著的第二、三味都係普普通通,唔怪得晚巿時間呢間食肆都只係得我同honey再加另一個熟客...!!!誠意呢樣o野有時真係唔可以當飯食呢...!!
食完飯周圍行o下,原來銀行中心開o左個商場仔!!之後再去朗豪坊,因為前日都無乜點行!!真係佩服朗豪坊個設計,我同honey o係無o野想買o既情況下由頂樓行落四樓都行o左個幾鐘,可以留到客人係商場咁耐都算成功!!!!行到十點去買Mos Burger,終於試到喇,味道唔錯o既,不過可以令我成日幫襯...始終都係鍾情麥記個Double Cheese Burger多d!!哈哈!!!
首先出到旺角去o左食o野,本來想去朗豪坊食Mos Burger,但honey無乜興趣,而我尋日先食完Burger,所以最終係女人街側邊搵o左間舖頭仔食,間舖頭雖然細,但兩點幾三點都仲坐得滿人,而且d撈麵都幾好味,價錢又抵,老闆娘仲好有心咁問客人d o野食o岩唔o岩口味,唔錯,我同honey又發現一個食o野好去處喇!!
之後行潮流特區,買o左條裙,其實我唔係話特別鍾意條裙,只係佢o岩我要求咁解,傻o下傻o下咁就買o左,有少少後悔!!!之後行瓊華,竟然俾我見到條一樣款,但質地手工明顯俾我買o左o個條靚...價錢就貴$60...雖然我買平o左,但質料差d,而且明顯係抄款...究竟我應慶幸自己買平o左定後悔自己買o左件翻版呢??
買完自己o野陪honey行波鞋街,我honey睇中o左對水貨波鞋好耐,價錢都幾貴,不過睇o左咁耐都睇唔o岩其他,所以都決定會買,差在等唔等到農曆年大減價先買定今日買!!!諗o下諗o下行o左入一間鞋舖,嘩!!!點解對鞋賣得咁平?呢間舖賣呢對鞋比其他平$150,我同honey一方面勁驚喜,另一方面又膽心唔知對鞋係咪有乜唔妥先會賣咁平,於是再去其他舖頭格埋其他款o既鞋價,最終發現除呢對鞋外,其他鞋款價錢並無分別!!!最後我o地決定買o左對鞋,細心試鞋同檢查後都唔覺呢對鞋有乜唔妥,於是開開心心咁俾錢!!!...嘩,竟然仲有九折??實在太太太驚喜喇,結果我o地慳o左二百幾蚊就買到對心水鞋,下次行街買o野前都係行多幾間格價穩陣呢!!!
無驚無險又到五點,忽然老細急call話五點半要開個'short meeting',噢...心知不妙...結果差唔多七點先收到工,嘩,我番工半年,第一次因工事留到七點呢!!!!
今晚約o左honey,好開心...不過我今日著太多衫,結果太熱,仲出晒汗...哈...
其實我都係今朝先confirm真係有得去,但我已經做好準備,帶o左相機、望遠鏡同上年Rain Concert買o個支螢光棒,好誇張吧!!!!!臨放工,估唔到我竟然班多兩張飛,即時打俾Karen,佢知道有得去好開心呢!!!!
放工喇,Join埋Clok同佢d同事坐機鐵去亞洲博覽館,去到時間o岩o岩好入場!!!我同Clok o既座位大約係場中,係價值$780 o既位,比相像中睇得清楚,太好喇!!!!
開場,一向覺得睇演唱會要投入,要睇就要睇到最貴o既我當然唔會介意企足全場啦,由於前面d人企起身阻住我睇,所以我就算俾人話阻住後面睇我都有照企,唔理得咁多,哈!!!
Rain出場喇,全場Fans尖叫呢!!!!不過中段時由於我附近o既觀眾都唔太熱情所以我只有羡慕前排$980 o既熱烈氣氛!!!(其實都易理解,因為相信無多少人好似我咁識晒佢d歌...所以我勁期待草蜢演唱會,到時氣氛一定high爆!!)當然啦,비表演途中露出o既可愛表情(當然仲有佢副正到爆o既靚身材!)真係電死人,引到唔少人笑,我仲聽到身後有男仔忍唔住話佢個樣可愛得意添呢!!!!
今次演唱會我覺得個Rundown無上次安排得咁好,비講o野o既時間亦唔算多(應該係言語問題吧!),佢不斷叫Fans做'Babies'時我都覺得太骨痺,學CLok話齋有d頂唔順,哈哈!!!!今次d衫都OK,表演醉拳時著o個件衫好有中國feel,應該為配合番香港吧??其餘有幾首歌o既歌舞都好火辣,不乏同身材惹火o既舞蹈員身貼身演出,睇到我眼定定,哈哈!!!!!演唱會得兩個鐘,時間過得好快,臨完場前演唱《I'm Coming》時全場企晒起身,yeah,呢d就係我想要o既投入感喇!!!希望我呢d投入感無將CLok嚇壞,哈哈!!!!
完場,尖叫到聲都沙o既我即刻打俾Karen,Karen係電話同我猛講話好好睇,佢好開心呢,不斷多謝我班呢兩張飛俾佢,太好喇!!而我呢,當然要多謝CLok啦,真係好多謝你第一時間諗起我呢個Rain迷呀,等我今年可以見到佢,多謝呀!!
我同Rain合照...哈...
我全場影得最靚無鬆郁矇o既兩張相: 
呢位Fans寫得好傳神呢,如果我係睇企位,我估我都會咁癲,哈哈!!!http://www.rainhk.com/bbs/viewthread.php?tid=78719&extra=page%3D1
===================================================
今日開了我第一個team meeting,foresee 到o黎緊半年我o既工作量會漸增,接觸o既o野亦會越多,覺得係好事之餘我又唔多想太忙,嘻,真係矛盾!!!
