只有誠意係唔夠o架!!

Honey係香港,所以約o左食晚飯,順便拎我前日買條裙換size!!換完裙後搵地方食晚飯,又係去女人街側邊o既食肆,由於只係大約七點,好多食肆都無乜人,就係咁,我同honey就俾其中一間食肆老闆o既誠意吸引o左入去!!!!

入到去一刻已經覺得後悔...因為入面都幾簡陋,門外面望入去黑漆漆所以無為意!!算啦,都係o左去,唯有試一試啦!!上第一碟菜,一試,味道中等,但份量太少...接著的第二、三味都係普普通通,唔怪得晚巿時間呢間食肆都只係得我同honey再加另一個熟客...!!!誠意呢樣o野有時真係唔可以當飯食呢...!!

食完飯周圍行o下,原來銀行中心開o左個商場仔!!之後再去朗豪坊,因為前日都無乜點行!!真係佩服朗豪坊個設計,我同honey o係無o野想買o既情況下由頂樓行落四樓都行o左個幾鐘,可以留到客人係商場咁耐都算成功!!!!行到十點去買Mos Burger,終於試到喇,味道唔錯o既,不過可以令我成日幫襯...始終都係鍾情麥記個Double Cheese Burger多d!!哈哈!!!