Annual Dinner

今朝忽然收到email通知話唔使做helper,嘩,太高興喇,原先話contract staff要做o野先有得去,估唔到依家我唔使幫手都可以去,yeah!!

WOW,估唔到驚喜陸續有來!!!忽然知道大老細恩准女士們lunch後就可以放工去扮靚喎,太好喇!!!我今朝無帶定副灰色con出o黎,本來都掙扎緊番唔番屋企拎,而家有個女同事話佢都番我住o個度附近做facial,yeah,有人陪,咁我就大條道理山長水遠咁番屋企喇,yeah yeah yeah!!!

係屋企扮完靚喇而家,等緊同事電話,準備出發!!!(feonko @ home 16:00)

五點幾去到會展,首先o係場外o既booth整香薰油擺設、生肖剪紙同水晶紋身,大約七點就進場喇!!!今晚有一百一十多圍,大約千三人,估唔到第一次去annual dinner就可以見識到咁大場面,而我坐o個台都幾前o架,睇表演好清楚呢!!!

今晚由賈思樂同一個鬼妹做主持,一開場由一班高層o既小朋友著住唔同民族衫表演,好可愛!!再之後係一位金髮美女表演空中絲帶舞,好好睇呢!!!之後邊食飯邊玩遊戲,仲有兩隊才藝表演比賽,其中用英文演大戲o個種好搞笑,好佩服佢o地o既創意同心思!!今晚表演家賓係葉麗儀,佢唱o左好多首歌,不過我只識一兩首,跟住d同事都係度扮話佢o地都係第一次聽,勁搞笑!!!

坐足成晚到差唔多十二點,為o既當然係抽獎啦,d大獎都幾勁o架,有42吋LCD電視啦,Wii啦,XBox,Notebook,仲有直升機trip,日本來回機票,頭獎係三萬八千蚊信用卡簽獎額...不過呢d統統無我份,連table prize都無...不過每位出席人士都有一百蚊利是,所以都唔係乜都無o架!!!不過聽同事講,佢o地話今年個dinner特別節目豐富同無悶場,氣氛又好,因為d小朋友好活躍咁大跳勁舞...好彩我最終都有去到o者!!!