大姐會反轉深圳(Day1)

由於太興奮同記掛住去唔到o既Bess,八點幾醒o左就訓唔番,咁大個人仲好似小學生去旅行咁,哈!!!中午忍唔住打俾Bess,嗚...最終佢都去唔到,好可惜,唯有下次再約啦!!!

兩點幾三點出到上水,邊食tea邊講解行程,每人手上都拎住Cindy精心製作o既旅行資料,包括地圖、Rundown、食肆/酒店/按摸o既資料,一行九人大約四點幾向北出發!!

上到羅湖即打的去酒店,點知原來間酒店勁近,只係一條直路就到,相信司機都嫌我o地煩呢!!放低行裝後去食小肥羊,我o地好落力咁食呀食、叫呀叫竟然都仲差幾廿蚊先到minimum charge,埋單每人五十幾蚊,抵到飛起!!

食飽飽去按摩,由於大多數都係第一次按,所以開頭大家換衫沖涼時都好疑惑唔知係邊除衫,都幾搞笑,不過好快大家都只係圍住毛巾一齊焗桑拿喇,以前住hall都未試過咁多人同一時間沖涼,更何況見到大家都只係圍住毛巾,都咪話唔香艷!!沖完涼九個人包房,有d做中式有d做香薰推油,邊按邊傾計,好鬼自在寫意,我o地仲影o左張香艷合照添!!!想睇嗎?Sorry,大姐會限定,絕不公開!!!!

之後四圍參觀按摩城,飲o下o野傾o下計再沖涼番酒店,係酒店玩game交換聖誕禮物,我抽中Clok o個份,係一個三眼仔相架同龍貓電話座,超鍾意呢,我驚我會唔捨得用!!!之後九個人兩張大床腳撐腳訓o係度傾計,重拾住hall感覺,我仲分享o左一個笑話,估唔到大家都覺得咁搞笑呢,哈!!!!我o地一傾就到五點先訓喇,可惜一向貪玩o既我玩得太興奮,成個腦不斷轉,訓得唔好呀!!