新年好運

出奇地今日成家都無節目,所以下午一齊去街巿食泰國o野,今次有我至愛o既冬陰湯麵,湯底又濃又多料,我又多一個食o野好去處喇!!!

由於人齊,所以決定今晚打邊爐,買完o野食仲一齊番屋企竹戰,係新一年o既開始我運氣似乎唔錯,希望成年都會咁好運啦!!

夜晚打邊爐食到好滿足呀,睇怕呢段假期間我都肥o左唔少,個幾月後又過年,呢個幾月要食少d先得!!

夜晚睇埋叱咤先訓,聽日番工,實眼訓死喇!!!