鬼節

鬼節?乜唔係情人節咩??...事源二月初翻開月曆,我同honey先醒起情人節將至(相信好多人今年都只係記得農曆年而唔記得情人節!),於是提醒honey'情人節喇喎!!',點知honey回應我話'對於我o黎講2月14同7月14無分別!',哈哈,老實講,我呢位情人已經好仁慈o架喇,除o左生日外已經無慶祝其他o野o架喇,仲想點!!!

今日少有地唔係星期五都同同事們出去食lunch,終於去o左聽o左佢o地講成半年但我都未去過o既茶餐廳,個辣肉醬炆米又真係幾好味!!加上難得無打的,lunch只係$32,破我入職後最低lunch銷費記錄!!!

下午六點放工,奇怪地office都無乜人早走,似乎無乜節目,再加上今日成日office都無女士收到花,連朱古力都無出現過,所以無乜氣氛!!!

番到屋企附近七點幾,先同honey去o左麥記坐,因為book o左九點,口痕痕仲食o左個餐,哈,又研究o左陣各大旅行社o既自由行package,坐到八點先走!!!本來都諗住順便辦年貨送禮,點知想買o既o野原來唔再出,忽然失o左預算添呢!!

大約九點到達意大利餐廳,其實我雖然住附近,但從未去過o架,都係睇openrice食評話唔錯先諗住試o下!!!去到門口已經好多人,好彩我honey上星期已經打去book,所以我o地個位都唔錯,唯一美中不足係我o地個位對住冷氣口,所以好凍,d食物都好快凍晒呢!!!

我o地叫o左情侶餐,不過味道一般咋,特別係塊牛肉,honey o個碟六成熟都好'鞋'口,而我o個塊更好似十成熟(我都係叫六成熟!),好彩餐廳都肯幫我換過一碟,不過依然'鞋'口,早知我同honey都散叫,試試openrice人人讚o既pizza同墨魚沖麵好過!!!

晚餐後於林村河畔漫步回家,渡過了我倆第八個情人節!!!