雖然只係相隔五個月,但草蜢o既表現實在太正,就日日睇都唔會厭!!!今次honey終於肯陪我去睇(當然我請啦!),今次睇$400,不過由於我都幾遲決定睇,所以坐第十六行,都唔係太近,不過唔緊要,個位都幾好,而且睇$400 o既人點都熱情d!!!!成晚氣氛一流,好鬼掂呀d觀眾!!(加莉,今日d氣氛真係好好,好過上次好多呢!)
今場嘉賓係許志安,佢出場都唔少歡呼,(可惜我相機當時已經無電,不過亦因為咁,我好專心睇演唱會,無分心掛住影相!!!!)...佢o地一齊唱《將冰山劈開》扮自動升降台勁搞鬼,笑死我呢,哈哈!!不過安仔之後唱o左首無人識o既歌(佢話係佢出道第一首歌...),呢度應該係場晚氣氛比較差少少o既一part!!安仔走後又有關淑怡,佢一句o野都無講,只係火辣辣咁同草蜢表現,佢把聲真係好好聽,好特別,聽出耳油!!!再之後仲有軟硬,嘩,軟硬一出全場勁high,坐我則邊一對男女原來係軟硬fans,佢興奮狂叫阿Jan呢!不過我覺得軟硬講o野唔夠多,如果再出場耐d一定好搞笑!!
由於今晚好多嘉賓,再加上勁歌熱舞連連(慢歌也唱少了呢!!草蜢,你欠我一首《我們都是這樣失戀的》呢!!),今次演唱會氣氛由頭high到尾,觀眾都無休息機會,全場觀眾狂玩人浪,個浪勁到圍住紅館轉o左十個圈都有,好鍾意今場觀眾!!!好似我咁由頭跳到尾、叫到尾o既大有人在,雖然聲早就嗌到沙o左,但傑仔連問幾次'玩夠未?'大家都依然聲嘶力竭大叫'未',實在太正喇!!!
草蜢,你o地實在太衰喇,搞到大家都咁high,我都未見過唱慢歌大家都會投入到企起身,你o地連問幾次'玩夠未?'大家都依然聲嘶力竭大叫'未',你o地卻恨心唱《忘情森巴舞》,我一聽到呢首歌就知真係到最後一首歌,無得再Encore喇...我唔制呀,大家都玩到咁high,連一直靜靜坐我附近o既女士都忍唔住企起身跟住你o地舞動喇!!!雖然全場合唱森巴舞時我feel到自己差唔多無晒聲,但我真係勁想繼續玩落去呀!!!
完場喇,紅館都開晒燈喇,但大家都好唔捨得你o地!!!我都未見過大半場觀眾唔捨得走o既情景,大家都只顧不斷大叫Encore同歡呼,仲有一齊齊心咁'噓'紅館叫人離開會場o既廣播,齊齊'dum'地,完場十幾分鐘都依然唔肯走,但你o地都無再出現喇,唔制呀,搞到人o地咁high,你o地好恨心呢!!!!
三年後你o地出道廿五週年一定要再開呀,我要同你o地再玩過!!!!
我睇左第二場同尾場呀 !!!!!! 個演出同d氣氛正爆呀 !!!!!!! 勁High呀 !!!!! 唱足、嗌足、跳足成晚呀我 !!!!!
回覆刪除我都係呀,我到今日都仲好回味當晚情景,中毒好深呢... 我睇o左你個blog,我同你一樣,因為好專心搖熒光捧唱Forever,所以都係最後聽到人尖叫我先望上個電視度,見到佢o地三個每人輪流獨立拎轉背露出靚股,最後仲三個靚股一齊出現,我於是即刻同我honey講,點知佢話'乜你而家先睇到咩?'...原來我miss o左個MV 前半段呢...唔知前半段係點呢!!!! 仲有,你就好啦,中o左傑仔槍...我都坐得幾遠呢...不過我好早就企起身,仲好大動作配合草蜢左右左右咁搖熒光捧(lonely o個時),我覺得阿智有一刻係望到我o架,好開心呀!!!
回覆刪除好多人睇左佢地個show之後都「不能自拔」lorrrrrrrrrrr !!!!!HAHAHAAA， o係慢歌果part我都大大力搖個身同打果支棒棒呀，基本上佢地所有歌我都差唔多有唱 !!! 音樂一響起就想跳喇。 我又係miss左個MV o既前半段呀 !!!!!!!!!! 真係好好彩咁睇到臨尾個正面同埋背身全裸，話你知呀，我一向對晒肌肉呢家野都冇乜好感，唯獨佢地係例外，真係好Fit lorrrrrrrrr 係呀 !!!!!! 我中左佢跳《一秒轉機》果支槍呀 !!!!!! 真係唔駛訓呀我開心到，即刻尖叫 LORRRRR，Hahahaaaaa !!!!!!!
回覆刪除haha, 真係好鬼high喎 !! 我都好耐無睇演唱會了! 你的指甲好靚~~
回覆刪除係呀,如果你追求演唱會係有氣氛,咁我諗你唔會再搵到第二個好似草蜢咁帶到全場氣氛o既show(雖然我覺得溫拿都有能力令全場high起o黎,但始終佢o地唔細,應該唔可以跳晒舞咁唱咁多支快歌!!)!!! 不過我記得你係鍾意靜靜欣賞歌聲o既一類呢,Janice好似三月有show,你可以諗諗呢!
回覆刪除講得冇錯呀 !!!! 唔係我一個話架，好多睇完草蜢show o既人都係咁話，唔會再搵到第二個演唱會有佢地造到o既氣氛架 !!!! 音效、燈光、歌曲、舞蹈、視覺效果、現場反應 ............... 所有野都係 un頂able 架 !!!!!!
回覆刪除真係超正架~~ 經過3日既狂叫狂跳狂fing之後, 周身骨痛之外, 把聲仍然老牛咁~ 不過一切都值得既~
回覆刪除嘩,八妹仔,你睇足三場咁勁o既~!!!!咁你仲有無去埋蔡范聯婚觀禮呀??
回覆刪除