賣懶、賣懶、賣到年卅晚!!

狗年最後一日喇,天氣非常潮濕,搞到抹乾淨o既地方都變得'lup chi chi',起晒水氣,好似仲係唔乾淨咁!!!另外我仲訓到出晒汗,今朝六點九準時番工時間起身...噢!!!

打開家中雪櫃,全部都係糕呀!!!!

上層:後排左一蘿蔔糕、後排右一金瓜糕(南瓜糕是也,上年第一次食,都OK好味!!)、前排左一黃金糕、前排右一紅豆糕!!
中層:年糕
下層:左一芋頭糕、右一馬蹄糕

wow,總共七種唔同味o既糕呀,睇怕過o左呢個假,食晒呢d糕,我諗我都會由狗仔變做肥豬仔lu!!!唔知食o左個超巨形蘋果(我爸公司同事唔知係邊買o既)可唔可以消消滯呢!!!

=============================================

13:36

Honey今日去踼波,少有地話我知可以去睇,嘩,我成N年無睇過honey踼波,不如就俾個驚喜honey啦,我仲帶埋相機添,不過呢場'賀歲波'honey無入過波呀!!!

=================================================

睇完波之後同honey出o左尖沙咀,本來想去食日本o野,點知年三十唔開,改去食一間樓上新加坡菜,又平又坐得好,唔錯喎!!!之後就去海港城shopping,目標係我上星期睇到有特價o既牛仔褲!!行o左好耐,終於搵到間舖,試完都好鍾意條褲,但...點解無減價o既???我記得上次睇好似係$400半價,即$200,但而家係正價$298...諗諗o下,無可能同一間舖但唔同地方唔同價嘛,況且牛仔褲不嬲都好少減價,更何況做半價咁多,我諗我上星期應該係眼花將'98'睇成'00'...雖然無平,但我都係買o左,人人年三十掃特價貨,我就買正價貨...

另外,我仲係LCX路中心o既攤檔睇中隻紫色eye shadow,但佢賣晒,而家好後悔,因為我唔記得睇佢乜牌子...只記得賣$60,有無人呢幾日行開幫我睇o下佢係乜牌子,等我之後可以搵番隻色...

===================================================

夜晚係沙田美心食團年飯,表妹化粧了,另一個表弟亦由以前BB女仔聲變了老牛聲了,不經不覺佢o地都大個仔大個女了!!...而十歲表弟玩game時講o左句英文粗話...唉...

===================================================

十二點,爆竹一聲除舊歲!!!!!我家窗外的廟立時變得煙火通明,'pik lik pak la'好不熱鬧!!