High完的後遺症

熟我o既都知我其實勁貪玩,仲好易Natural High,結果尋晚雖然三點先訓,今朝竟然未夠八點就起o左身,腦海不斷諗起尋晚o既片段,真係好想時光倒流,番去尋晚呢!!!

等我保充番尋日o既日記啦,其實尋日honey陪o左我成日o架,朝早去食蔡潤記,夜晚就去靚靚車仔麵,honey叫o下叫o下竟然叫o左六樣食送,我都未見過食車仔麵可以食到五十蚊咁貴,嚇死人!!!

至於演唱會,honey佢都話好睇,氣氛一流,但佢唔係草蜢fans,所以佢覺得d歌唔係首首好聽!!!不過唔緊要,今次佢無好似上次睇rain咁'hup'眼訓,而且仲話佢只係怕高會阻住後面而無企起身,所以都係一大進步,yeah!!!!

另外,尋晚謝賢係我o地前面行過,雖然七十幾歲,但皮衫+黑超而且身型又高大,的確幾型o既,不過坐o左成晚都戴住黑超睇concert,唔知佢睇到幾多呢???哈!!