豬籮!!

恭喜發財!!!大年初一拜年去!!!

註: 豬籮 = 外國型男Jude Law是也!!

大約十二點去到舅父屋企,差唔多二十人齊齊開大餐食魚翅年糕盆菜,不過d表弟妹掛住玩唔幫手食,所以真係食到好飽,不過我都飲o左三碗翅,因為d翅真係落足料,聽聞我舅父煮o左六個幾鐘o架!!

食完o野陪班小朋友玩,小三o既表妹無意中爆晒佢爸媽公公o既年齡秘密我知...哈哈,小朋友真係守唔住秘密o架,唔怪得我媽以前都唔俾我知佢乜生肖啦!!!

夜晚番到屋企簡簡單單食個杯麵消滯,之後邊睇花車巡遊(我都望唔到邊個係我妹,都係估估o下咋!)邊跟我爸學玩Bridge,好難學,成日唔識記出o左咩牌...最後都係玩o左鋤大2,我運氣好好,仲第一次有同花順呢(印象中我好似未試過!!)!!!

我仔仔百厭拎o左我妹表演頂騎師帽同馬鞭玩呀!!