我要以大局為重

尋日Honey叫我幫佢print o野,由於屋企部printer要用o既話好麻煩,我又要一張張反紙o黎print,print足成個鐘有多,又無得同honey傾電話,所以有少少發脾氣...

um...其實只係仲有一個星期就考試,點解我咁唔識大體呢,忍多一個星期,唔好騷擾我honey,等佢專心溫書先得...

加加加,樣樣都加!!!

通脹下咩都話加價,搞到有時想唔早d做決定都唔得...要供樓下銀根緊絀,都有d壓力!!!

Snapshot: 尋日落o左訂喇,其實我好早approach呢個攝影師o架喇,都幾鍾意佢style,只係遲遲未落訂,尋日同佢傾開,原來佢已經大幅加價5成,好彩我仲用到佢舊價o者,嘻!!!

婚禮攝錄: Confirm o左用上次見o個兩位freelance攝影師同錄影師,要落一半訂!!

餅卡: 由於識人有員工優惠,所以餅卡都買埋...估唔到咁快完成呢項,完全out of plan,不過而家食品價格不斷上升,員工優惠又唔係成日有,唯有早少少買啦,咁大間舖唔會執o卦...

上星期試衫間間都話快加價...睇怕都要早少少決定...嗚...樣樣都加,HELP!!!!!!!

試衫記1

幾日假無乜o野做,雖然時間尚早,但我同仙廸已經急不及待去o左玩試衫!!!(不過度度都話會加價,所以都有可能好快決定!)

無錯,係玩,因為好多公司都可以free試兩件,所以明知唔使咁快決定租衫,我o地都照去試,睇睇咩style o既衫o岩自己都好嘛!!!(嘻,相信個個新娘最雀躍都係呢個環節吧!?)

 

紫水晶:紫水晶: 款式都幾多,但唔算太特別,價錢亦算平,而且服務唔錯,阿姨們都好好笑容好有禮貌!!!我試o左一件WG,一件EG:

 

WG: 款式算簡單o既婚紗(落小鋼),婚紗拖尾都幾長,而且裙身有銀色釘片,影相唔會白色一片咁plain,唔錯!!
EG: 試o左件深綠色,隻色好sharp,件衫係宮延款,落o左三圈鋼,覺得自己好似個公仔咁,好得意!!!

 

華麗邂逅: 款式唔算多,應該話,揀得落手o既得好少,或者係style唔o岩我同仙廸啦...總之好難先揀到三件試,而且室內主色係紫色,燈光又唔多夠,睇落d衫唔多閃,而且package都唔算平,普通!!!係呢度,我試o左一件WG,兩件EG:

 

WG: A-line款,美人魚裙擺,如果我fit d應該會好睇d....可惜仲未開始keep...hahaha...
EG1: 特登揀o左件大紅色試,都係A-line款,著o左成熟o左好多,仙廸話我都算carry到咁紅!!不過可能件衫唔fit,所以自己感覺麻麻,而且裙尾好軟好貼腳,行路好唔方便,成日踩住自己裙尾...
EG2: 金色旗袍領款,要落鋼,中西合壁感覺都幾好,領款特別,唔使成日試o黎試去都係low-cut!!

 

Vianei Wedding 婥意: 呢間係新舖,上年八月先開,但網上評語唔錯,但衫款都幾少,特別係多數WG都唔係純色,唔係香檳就係peach,如果要搵純白就真係幾難!!!不過d衫著上身好有驚喜,因為件件都好閃,釘工重,但又不失grand同清o既感覺,總之就好靚!!不過,都有缺點,就係呢d衫全部都係著o左先覺得靚,睇相就無乜特別,因為影相唔覺閃o架,如果要考慮埋婚宴當晚d相o既效果,可能都要注意呢點!!!價錢方面,因為呢度d款清得o黎又grand,出面少見,雖然貴少少,但計番落其實又唔算太貴!!係呢度我試o左一件WG,一件EG:

 

WG: 香檳色A-line款,有粉紅色手繪圖案,好閃好靚,不過手繪圖要近睇先睇到係手繪,唔講未必會留意到!!
EG: 深藍色掛頸款,小小性感,雖然無乜閃石,但個款好靚,我最鍾意呢種掛頸款!!

 

唯美主義: 呢間好旺,勁多人係舖入面睇衫!!!佢d衫裙身偏短,好o岩東方人身型,但高妹可能就要留意裙腳會唔會短!!呢度o既衫款未必太多,因為佢同一款會有齊三四隻式,甚致係同一款,既有WG亦有EG,所以包揀到心水色!!!不過呢度d裙有分grade,水晶款全部要加錢,package亦唔平,加o下加o下可能好貴!!!!係呢度我試o左一件WG,一件EG:

 

WG: 本來我試呢件係仙廸試o既,但sales搞錯o左,我又無為意,哈哈!!!呢件算係A-line款,落o左佢o地舖特製o既小鋼,感覺修長d,而且條裙係水晶款,好閃,拖尾亦好大好靚!!
EG: 粉紅色,裙身係皺布整出o黎o既立體花花,好有texture,其實我覺得落大鋼會襯條裙多d,但試o既時候只係用小鋼!!!

試完成日,本來係想試邊d款襯自己,但我試完都係無乜頭緒,好似件件都靚件件都襯(嘻,如果可以,真係想一晚著十件,哈哈!),真係好應該叫多個人幫眼呢(特別係honey,haha...其實我有搵我伴娘o架,不過搵唔到佢,可惜!!!!下次再約過!!)!!!

 

另外,in general我覺得間間舖入面o既鏡都係哈哈鏡,因為照到我個人瘦o左,加埋對高鞋,連自己都忽然覺得自己好高咁,手臂又好似無咁多肉...呢d應該係塊鏡俾o既幻覺,想客人更易幫襯吧,哈哈!!!不過,塊哈哈鏡令我發現到個問題,就係我著大鋼o既裙款時,似乎唔應該束起所有頭髮,因為我今日將自己半束o既頭髮收起時,發覺鏡中o既我個頭好似粒'的'咁細...好古怪...希望係塊鏡o既問題啦!!!

 

P.S. 仙廸試o既我唔寫喇,留番佢自己講啦!!!

選場地心得

搞掂場地呢一項後,一直想寫番篇心得,因為我知道揀場係搞婚禮入面最先要決定,亦係最最最煩心o既事,未有場地,其他婚禮項目就好似無o左目標咁無法開始,而且吉日得一個,理想o既場地如果無自己吉日真係會好唔開心,所以搵場地期間就好似同其他人鬥快咁,真係會心急同精神緊張到日夜都諗住o架,所以,我都希望我o既經驗可以幫到其他預備搞婚禮o既準新人,唔好好似我咁落錯訂搞出個大頭佛!!!

第一步: 預計圍數同定Budget!!

聽落好似好簡單咁,但其實唔係咁易,因為圍數方面,好多時都要先問父母先決定到,好似我有朋友,佢親朋戚友每人問佢要五圍十圍,加加埋埋變o左好多圍,Budget控制方面亦難好多,好容易out budget!!!如果圍數少,咁Budget方面就易控制點,擺酒店或酒樓悉隨尊便!!

第二步: 搜集資料篩選適合場地!!

酒席價錢好多都可以上網搵到,如果搵唔到,大家不防send email去問,最重要要問o既五點:

1. Minimum charge
2. 目標大日子o既Availability
3. 酒席menu
4. Floor plan (睇多唔多柱位)
5. 場地可容納圍數

跟據經驗,大部份酒店都覆得好快,而且一個 mass email就可以send去好多場地問,所有資料係手就可以好快篩走d無自己大日子,又超過budget o既場地了!!!

另外,價錢以外,食評同服務質素都好重要,網上討論區有好多有用資料,用d時間追post去了解每一個場地真係有必要o架,唔係千揀萬揀揀o左個唔好o既場就無謂了!!!

第三步: 睇場!!

酒樓方面易d,就咁Walk-in就OK,唔使約時間,只要搵個星期六/日一次過行晒油尖旺o既靚場都唔係難事,只要你事先上網搜集好想睇o既場地地址就OK!!!至於酒店方面就麻煩d,可能太多人約睇場,好多時預先一至兩星期預約先約到sales,若果約唔到但又唔想出咁多次睇場,其實都可以試試walk-in,不過就唔係間間都俾你咁做,我都碰過唔少壁!!

另外,睇場時記得要帶相機,因為好多時轉頭就會唔記得個場咩樣o架喇!!!仲要記住留意:

1. 場地空間感 (我個人覺得四四方方o既場地好過長條型!)
2. 有無柱位
3. 樓底高度
4. 新娘房大小 (印像中,逸東酒店的新娘房認真小得可憐...)
5. 新娘房有無獨立洗手間 (如果係酒樓,呢點好重要,因為酒樓toilet通常較濕滑,好易整污漕件衫)
6. 賓客洗手間衛生 (酒樓Toilet衛生太差的確會失禮賓客o架!)
7. 麻雀台位置 (有d場地有獨立麻雀房,有d就無,要留意會唔會開席前搬台)
8. 有無Pre-function area (有d賓客太早到,如果有pre-function area俾人坐下會好d)

雖然睇場係好浪費時間,但係亦好重要,因為只有同場地工作人員直接接觸先知邊度最o岩feel呢!!

第四步: 落訂!!

揀好場地當然就盡快落訂喇,慢一步可能就會無o左自己心愛日子,到時就頭痕!!!落訂前當然要搵sales'講數'啦,事先記得參考網上面其他新人可以bargain 到d咩,亦要參考o下其實場地酒席o既package普遍包含o既項目,咁同sales bargain時就可以爭取到更多喇!!

希望以上小小心得可以幫到其他打算結婚o既朋友啦!!

睇傢俬

哈,四日假honey得今日陪我,事先問佢想陪我睇衫定睇傢俬,佢毫不猶疑就決定睇傢俬...真係衰,哈哈!!!

我o地一朝先開o左個'Wedding Project'會議,計劃好d金錢安排,之後就上去新屋影相,以send俾幫我睇室內設計o既朋友!!

搞掂晒後去食豬排麵,其實我都想盡量食少d o架,一聽就知d豬扒幾肥啦,哈哈...但最終又食到好飽...後日仲要去試衫o架...

食完飯出九龍灣Mega Box,本來好想行去,點知好大雨,唯有等接駁車,好彩都唔算太過耐!!去到即上B&Q,其實上次都覺得無乜o野睇,但可能因為無目標吧...諗住今次有目標應該有o野睇啦,點知...都係無乜o野睇,反而最好電器就好多o野睇,不過就行到好眼訓!!

出番德福行ikea,都係呢度d o野o岩睇d,我o地仲邊行邊指邊類傢俬係自己喜歡o既,互相又了解o左唔少呢!!!雖然而家仲有好耐先裝修,不過今日行完總算對d傢俬電器o既價格有個初部概念!!!

七點半去煌府搞埋退訂d手尾後就約o左肥培俾張屋企Floor plan佢,夜晚我仲send o左一d我上網搵o既屋企sample style俾佢參考,佢亦俾o左少少意見,嘻,都有少少心急想知最後佢會提供d咩專業意見俾我o地參考呢!!!唔該晒呢!

P.S. 夜晚食o左沙嗲王,不過今晚食貴o左,要供樓呀,下次唔可以咁放肆...

全身而退

夜晚七點半去到煌府,等o左一陣就見到另一對09年6月20新人阿映同佢男友,之後我o地就上去搵負責人,估唔到係酒樓董事錢小姐,我o地都唔使好詳細介釋,就咁俾o左雙方o既合約同收據俾錢小姐,佢就幫我o地搞掂手續,仲即時俾番幾千蚊訂金我,一切都好順利!!!成個過程錢小姐都好好笑容,雖然我o地係撻佢o地訂,但佢都仲好有禮貌咁叫我o地再考慮,話相識都係仲緣份,或者以後仲有機會做我o地生意!!!

老實講,我都有少少唔好意思,因為自己當初一個太心急o既錯誤決定,無論係對酒樓定係另一對新人阿映,都帶o左唔少麻煩俾人,好彩狽住呢個訂三個幾月,而家終於能夠全身而退,實在好幸運!!!

老實講,雖然我本身無任何宗教信仰,但今次呢個結果都有令我感覺到呢個世界係有奇跡存在,好似背後有人保佑咁,總之,我覺得自己今次真係好好彩,我同honey都覺得,我o地應該拎番少少訂出o黎做番少少善事先得!!!

霸足十二小時!!!

難得Honey四日假入面俾得今日我,我要霸足十二小時先得!!!!哈哈!!!

飲茶

今日難得我妹放假係屋企,終於又可以一家五口去科學園飲茶喇,相信最開心應該係媽媽呢!!!

Holiday Mood!

成日都Keep住充滿Holiday Mood o既心情,當然心散散做唔到咩啦...成個下午係公司就係不斷上網同望住個鐘等放工...哈哈...

放工喇,約o左Honey接我,點知佢遲o左...可惡...

自從佢為應付考試而閉關後,我都好似要跟住閉關咁,差唔多兩個月無同佢係'巿區'食o野行街,連晚晚傾電話o既質素同時間都下降,因為好明顯佢係想快d收線溫書呢!!!!而呢四日公眾假期,我當然只能分配到一日啦...睇o黎要自己搵搵節目先得...

距離佢考試仲有兩星期咋,加油呀,我知Honey一定應付到o既,考完試我o地一定要好好出番次街食番餐豐富點o既慶祝一下!!!!!

加油Honey!!!

FC

決定了,就用'FC'啦!!!不過網誌o既address定o左改唔番,唯有繼續用'CK',不過網名同分類都改番用'FC'了!!!用'FC'設計Logo呢個任務,當然就留番俾我妹啦!!!

唔該晒 ^3^!!!

好o野!!!唔使同訂金講ByeBye!!!

今朝忽然收到個SMS(開頭仲以為係Honey咁乖添!!),原來係上星期打過o黎想我讓酒樓個日子俾佢個女仔呀,佢帶o左個好消息俾我,就係酒樓高層商量過後,決定退番所有訂金俾我,等我可以真正讓出個日子俾佢呀!!!!

嘩,呢個結局實在太好喇,皆大歡喜,而我,亦唔使為之前太心急俾o左幾千蚊而成日自責...搞結婚使費已經好多,而家呢幾千蚊唔使蝕,就可以用o黎應付其他開支喇,真係要多謝煌府同埋呢個女仔o既爭取呀!!!

而家暫定星期六去酒樓搞埋d手尾,希望一切順利!!!

第一件家庭電器

無錯,雖然我有排都未入伙,但第一件家電(唔計新屋本來有o既)竟然今日就到手!!!

哈哈,其實係一個電磁爐連煲,信用卡迎新禮物o黎o既,我同Honey都咁為食,見實o岩用所以就申請o左張卡喇!!!

另外,今日Honey去o左屋宇署拎圖則,佢好pro咁話俾我知邊d牆可以打通,俾我實唔識睇,果然係專業呢!!!不過,原來個廚房唔可以改做開放式呀,嗚...可惜可惜...

遲d要拎張圖俾識裝修同室內設計o既friend睇,佢仲叫我send d 自己鍾意o既裝修style 相俾佢reference...um...Cyber d? 簡約d? 主色係白色? 油木家具? 定係格仔(呢句係我honey叫我加o既!!!)....係時候要留意o下自己鍾意咩style喇,一想到要裝飾自己未來o既家,真係不自覺地好興奮,好似仲興奮過諗咩style o既婚紗o岩自己咁呢,哈哈!!!

太誇張

今日番工上網睇Forum,發現Forum開o左幾條Thread for 2010年打算結婚o既新人,於是八卦去望一望,估唔到2010年年尾都有唔少人留言,實在太誇張喇!!!!

開頭我仲以為自己早年半已經算早,點知有咁多人誇過我!!真不得不寫個'服'字!

不過講真,而家通脹咁勁,早d訂又真係可以慳唔少,而且旺場o既酒席又真係爭崩頭o既,所以個個都鬥快,咁睇落,又好似有d無可厚非呢!!!總之就係'佩服'啦!!!

失眠

唔知係由大圍踩到入大尾篤搞到雙腳酸痛到訓唔著,定係玩得太興奮訓唔著,定係BBQ飲o左支雀檸(唔知有無咖啡因o既呢!)呢...我尋晚眼光光到五點先訓到...

好不容易入睡,點知發惡夢,夢見自己俾所有人誤會我做o左d無做過o既o野,仲要嚴重到俾人杯葛同認為我人格有問題,連老細都即刻打俾我同我講炒o左我聽日唔使番工...

結果我喊得好勁,喊到醒o左...o個時天都光喇...

今日真係好唔想番工...因為我跟本無訓到咁呢...

係公司MSN大姐會其他人,原來仙廸都有發惡夢,阿Bess都有失眠呀...原來唔止我一個咁樣呢!!!

由大圍慶功到大尾篤

Yeah,好多謝李生李太搞今次慶功,仲要係我同Bess都恨o左好耐o既活動,踩單車同BBQ呢,好開心呀!!

四點出到大圍,原來姊妹得我同Bess可以Join踩單車咋喎,不過Total有十一人,都幾熱鬧!!!我o地由大圍一直踩到大尾篤,前後用o左兩個半鐘!!!真不得不讚o下今次間單車舖,因為d車都幾好踩,唔會坐到PatPat痛又或者踩一陣就好支力,踩到大埔時都只係覺得小小腳軟,未至於支力呢!!! 踩到大尾篤,由於多上落斜,所以比較辛苦少少,而且我o地仲踩到天黑,好似都未試過咁夜踩單車呢!!!!

入到大尾篤Cindy,Karen,肥培已經到o左,之後我同Bess支力到只係識坐係度,哈哈!!!開始燒o野食喇,花款都幾多,除最基本o既丸,腸,扒外仲有羊架,尤魚,雞腎,牛仔骨,多春魚同鱔,味道都唔錯,而且份量又o岩o岩好,Yummy!!

多謝李生李太!!! 

爸爸的潛能

朝早首先同屋企人食午飯,點知我唔小心整甩o左褲上o既裝飾鈕...

我: 媽,陣間幫我整番!!!!

爸爸: 身為女仔都唔識,第二時點照顧自己!!!我都識啦!!!

媽媽: 你都識???????!!!!!!!!唔好認叻...

爸爸: 咩呀,我真係識o架,細個幫阿媽都唔知車幾多衫!!!

媽媽: 車衫都識???我點解唔知o既!!!

爸爸: 我有好多潛能你未發現o者!!!!!

媽媽: 好,咁陣間個女條褲你搞掂佢!!!!

....

結果,番到屋企後我爸真係拎起針線幫我縫番好粒鈕,我媽檢查下,仲話整得幾靚添!!!!識o左我爸廿幾年,今日佢竟然令我有'發現新大陸'o既感覺呢!!!哈哈哈!!!!!

又去婚紗展

無錯,又去婚紗展喇!!以前唔留意,都唔知原來婚紗展舉行得咁頻密,差唔多一個月下次呢!!!下次就耐少少,五月先有!!!

今日Honey溫書唔陪我,所以我就同仙廸同Chris一齊去,由於仙廸都搞掂o左場地,所以今次大家可以輕鬆d咁睇其他o野,好似餅卡資料啦,婚紗攝影同租衫咁!!

由於我o地兩個都有coupon,所以去o左羅浮宮睇o下佢d影相package,咁o岩由兩個型男serve我o地,其中一個好靚仔o架,好似d拍偶像劇o既小生咁呢!!!

至於租衫,我諗呢個環節都係唔少新娘子最重視o既一環之一吧,話晒成世人可能真係得o個晚可以著得咁豪華同咁靚呢,所以我同仙廸都好興奮咁睇o左好耐,可憐阿Chris悶到要自己睇第二d o野呢,哈哈!!!

至於d衫,有d公司都幾貴,有d又好平,而且睇得多搞到眼花瞭亂,因為都唔知咩style先o岩自己,似乎搵日我要約埋仙廸一齊去free trial先得!!!之但係...而家我仲咁肉感,就算試到d靚衫都唔會覺得靚啦...要努力keep fit喇,最好可以好似珍妮減得咁成功啦!!!

Bye Bye 訂金

早幾日有個女仔打o黎希望我落o左訂o個間酒樓可以讓個日子俾佢,開頭仲滿心歡喜以為可以有人接手,等我唔使蝕咁多,點知...點知原來佢唔係要我個訂,而只係要我讓個日子俾佢!!!

最終我當然唔肯啦,因為我覺得我仲有大把時間上網搵人接我個場,點知今日酒樓打o黎追我訂...咁又係,我其實第一次訂係未俾足o架,所以係我理虧在先,不過我又有d嬲,因為酒樓幾個月以o黎都無追過我訂,而家忽然追,好明顯係o個個女仔同酒樓傾過呢...

唉...所以我呢幾日要真正退訂呢,可憐我因為當初太心急,而家白白唔見咁多錢,好唔開心呢!!!!

CK定FC?

'FC'好定'CK'好呢?

事緣兩星期前上珍妮屋企開姊妹meeting時先有人話我知,用英文寫backdrop原來係Ladies First,有別於中文以男為先...搞到我用o左'CK'o黎開呢個blog添,因為諗住我honey行先,'C'代表'Chun', 'K'代表'Ka'!!!

而家Ladies First,所以我諗緊我係咪應該用番'FC',但係我又好鍾意'CK'喎,因為諗起某牌子好似易記d...而且,如果當中文initial用,'C'代表'Chau', 'K'代表'Ko'都仲可以,只係怪怪o地咁解...

um...究竟用邊個做我logo好呢?

唔知大家有無咩意見可以俾我參考??

BJ Wedding 之幸福的一天(2)

註冊儀式由律師帶領下進行,宣誓簡單,無想像中咁觸動心靈,不過睇見新人交換戒子,感覺好溫馨呢!!!

正式開席,我o地班姊妹都可以稍稍休息喇,到兄弟們預備o既神秘環節,話要進行'大復仇'喎,開頭真係好驚佢o地玩番我o地一班姊妹呢!!!!哦~,原來呢個環節係新郎特登安排去俾新娘子一個驚喜呢!!!!之前我o地都聽過新娘講,新郎為佢苦練鋼琴自彈自唱求婚,真係好似拍戲咁浪漫,而今晚,新郎再特地練多一首歌表演,歌詞仲係親自詞o既,細說佢o地兩個七年o黎o既點滴,新郎哥真係好有心思,睇得出佢幾咁重視新娘子呢!!!

不過好搞笑,係新郎表演完後,我聽到賓客中有人話新郎哥做壞個巿,令在場女賓客們對自己另一半產生無謂o既期望呢...哈哈!!

敬完酒後,一對新人安排o左一段叫'Loving You' o既片去多謝身 邊o既朋友同家人,新人的父母都有上台講感受,李爸爸話佢一生人最自豪就係有呢兩個仔,而謝爸爸就為新女婿向學校校長爭取進升機會,幽默得o黎好令人感動,我o地一班姊妹都感動到淚眼汪汪,有d仲喊o左出o黎添呢!!!

時間過得真快,送客了,我o地當然要同新娘影多幾張大姐會齊人合照啦!!!忽然有感,等大姐會一個個結婚後儲齊十張結婚大合照,到大姐們老o左o既時候拎番出o黎睇一定好得意o者!!!!

成個婚宴完美地結束,真係好感動,恭喜晒珍妮榮升為李太呢!!!成日聽人講女人一生人最美的一天就係結婚o個日,今日我睇住靚靚o既珍妮全日面上都掛住甜蜜幸福o既笑容,眼中就只有新郎,真係深深感受到呢句說話係真呢!!!

我好鍾意呢張相呀,你睇大家笑得幾開心!!

大姐會齊人大合照,咁耐以o黎都未試過大家著同一色衫呢,係咪好迷人呢?

BJ Wedding 之幸福的一天(1)

期待了一年半,2008年3月8日呢個重要日子終於到來喇,由於珍妮係我第一個結婚o既好朋友,而我亦係第一次做姊妹,所以我都等o左呢日好耐呢,哈哈!!!

遲到喇,仲要成十一點先識醒添...呼...原來係發夢...睜大眼睇睇幾點先....嘩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

六點三!!!!唔係嘛...夢境成真呀...???明明set好鬧鐘五點半響o架!!!!都無時間俾我慢慢諗點解,我即刻以九秒九速度著衫Gel頭出門口,妝都o黎唔切化......!!!我成個人又急又亂,真係嚇到心都跳出o黎,唯一慶幸就係仲趕得切六點七出門口,都真係要多謝個夢嚇醒我,唔係o既話都唔知點算!!

咁趕時間出門口,當然就係呢樣唔記得帶o個樣唔記得帶啦,不過都好彩,唔記得帶o既只係化妝品(因為放晒係台面預備朝早用,無放落袋!)同現金(呢樣真係失敗,搞到我想打的去火車站都唔得,但又唔想番屋企拎搞到仲遲!!),其他o野都係之前一晚執定,所以最重要o既婚宴用具都有帶!!!!

去到上水火車站七點兩個字,會合Bess同Betty一齊坐小巴入屯門,希望七點半去到,而我,當然係o係車上面把握時間化妝啦(其實我連鏡都無,都係借bess o既用咋!)!!去到七點七啦,我o地仲要搞笑到去錯隔離座,好彩好快搵番o岩地點!!

入到珍妮屋企,其他姊妹都到齊喇,最遲係我o地,真係唔好意思呀,係我唔知醒...之後就係姊妹門團團轉,預備接新娘用o既物資同埋扮靚set頭,時間真係話咁快就過,好快就聽到兄弟們係留下叫口號,氣勢好勁咁呢!!!雖然一早都知呢班兄弟好做得o野好掂,不過我o地姊妹們都唔輸蝕o架!!!

兄弟們準時九點去到門口,我負責第一個遊戲...收開門利是!!!事先我o地收埋o左九個利是封係層樓o既走廊,等d兄弟搵完入好寫明o既銀碼先可以開門!!!當然啦,d兄弟邊有咁順攤,佢o地竟然入印尼盾呢!!!哈哈,不過最後都係乖乖o地俾足開門利是!!!

入到屋玩之後玩'分甘同味',呢個遊戲係我o地姊妹們諗o既時候覺得最好玩o既,因為我o地會炮製'加料'麵包俾兄弟們食,佢o地後尾講番,個包真係好難食,好成功呢!!!之後再玩用腳o係冰水度夾麻雀同埋兄弟們戴住假髮拎住樂器伴住新郎唱出愛的宣言!!!

o係大家通力合作下,遊戲好準時完結,新娘順利o係吉時出門,之後就係湛茶俾父母、出門、到男家湛茶俾老爺奶奶!!!兄弟姊妹們唔使跟回門,所以就去學校準備!!!因為新人都係呢間學校舊生,新郎更係學校做阿Sir,所以特地o係學校有個ceremony!!!

我自中學畢業後都無番過母校,今日有機會番番去中學o既環境,去操場,physics lab(新郎讀physics)同禮堂,感覺好親切亦令人好懷念呢!!!o係後台準備o既時候,新娘換衫時發生小插曲,因為套婚紗竟然拉唔埋拉鏈喎!!!!好彩,最後發現只係件衫拉得太高o者,總算有驚無險!!

一點幾,典禮開始,場面都幾盛大呀,有咁多學生出席,不難想像新郎哥係一位好受歡迎o既好老師呢!!!

係學校行完禮後我o地就先出發去君豪會佈置場地,仲以為三點幾開始實在鬆動時間啦,點知有d親友四點幾就到,搞到我都唔敢離開counter呢!!!六點幾開始陸續多人,由於reception台都幾細,total 38圍o既賓客一車車咁到,所以係counter幫手o既我忙到停唔到手,而且要係張list度搵賓客名都唔係咁易,所以成個task都幾花精神幾花時間呢!!!

Pre-function area decoration, 珍妮對寶貝Monchhichi!!

忙錄地搵緊賓客名!!!

不知不覺八點,註冊儀式開始,睇住珍妮同雞泡o既背影,忽然好感動呀,雖然沒有說話,沒有多謝爸爸媽媽的感人場面,只有簡單兩個背影,不過一切盡在不言中,不知不覺有d眼濕濕呢!!!

令我有點措手不及o既驚喜!

今朝一早去o左小瀝源交奧運馬術義工要用o既相,咁大個人好似第一次入警處,因為奧馬公司剛搬office,而office正正係警處入面,都幾搞笑!!!交完相番到公司竟然仲係最早番到o既同事之一,勁!!!!

講開公司o野,早幾日老公俾o左個驚喜我,完全係喜出望外,但亦有點令我措手不及!!!

事源前日老細特登過o黎我而家個site,原來係有好消息帶俾我o地,之後就續個見佢!!!

到我喇,嘩,原來係加人工同轉做perm,呢個消息都算突如其來,真係完全無心理準備呀,知道當刻只係識得笑囉...

不過,見完老細,冷靜過後先知,原來我人工其實同未加差唔多,因為我轉做perm,會無o左份gratuity,而家只係將我份gratuity早少少變月薪俾番我咁解!!!!

當然,in the long run我係加o左人工,但只apply to 我做得多過一年後囉,咁即係同原來contract無分別,所以都唔係咁著數!!而且,呢個咁突如其來o既改變令我覺得好似忽然失去o左一個一年o既目標咁,因為我一早打算contract end 可能轉工,就算唔轉都打算續約時同老細講要放番個星期假等我可以做d私事...而家變o左perm,好似就無o左呢個俾自己轉工同休息o既藉口咁!!!!仲有,轉perm後有medical,雖然好似好好,但其實對於我呢d長期唔係office o既staff o黎講,要claim都真係幾麻煩...都幾無奈!!!

不過講到尾,如果我打算係呢間公司留得耐,始終轉做perm穩定d...之但係以我呢個job nature,穩定極都係好忙,所以我都未必會長stay!!!!加上出年生活會有大轉變,似乎我要好好諗一下長遠o既打算先得!!!

Bridal Shower

大姐珍妮結婚,姊妹們當然都要做好準備啦,所以今個星期都好似好忙咁,仲要晚晚都好夜先訓,都有d怕星期六唔夠精神由朝早五點幾直睬到夜晚散席呢!!!

講番今晚,今晚係大姐會同單身o既珍妮食o既最後一餐飯,下次見佢,佢就會變成李太喇,哈哈哈!!!

我同Bess早到,所以行o左陣聯合,點知忽然有人'喂'我o地,嚇死我同Bess!!!定過神來一望,原來正正係今晚主角珍妮!!!!原來佢剛整完水晶甲呢,正準備去拎埋手套,我同Bess都覺得好搞笑,因為珍妮著suit,個下'喂'又比較低音,我o地仲以為係個男人叫我o地,笑死!!!

夠鐘上去樓上Cafe,今晚Total有八位大姐出席,不過成晚大家掛住講當晚rundown,都唔記得同珍妮Cheers添,哈哈,唔緊要啦,最緊要當晚順順利利,令珍妮開心難忘!!!!

番到屋企又好夜喇,不過都有試到今日買o既兩對閃絲襪,但唔知點解硬係唔太襯我對鞋同條姊妹裙添...睇怕聽日同後日又要慢慢襯過喇!!!