BJ Wedding 之 姊妹團大作戰

今日又約o左各住大姐,哈哈,兩星期大姐們o既見面次數,都應該係自畢業無住hall後最密o既,嘻,不過見得太多,成日都嘻嘻哈哈情緒高漲,都真係搞到我心散散,好似放大假咁好唔想pick up番個番工mood呢!!!!

今日我o地七位大姐齊齊入屯門珍妮o既新舊居了解場地,今次好似係我第三/四次入去新界西北,唔知係位好粗豪o既女小巴司機開車快定點,原來由上水入去都唔使半個鐘,比想像中快呢!!!

我o地先上o左珍妮舊居參觀,主要係了解接新娘場地同相量點樣玩新郎同兄弟,哈哈,係各大姐各出奇謀下,接新娘遊戲都定下喇,雖然仲未玩,但今日只係相量同想像都已經笑死我o地,希望到時班兄弟合作合作,令場面熱熱鬧鬧啦,哈哈!!!

下午我o地去o左珍妮新居,佢個無敵海景真係超級無敵呀,好靚呢!!!!之後我o地繼續傾當日run down 同睇睇當日要用o既各樣o野,好似油畫呀,相簿呀,簽名筆仲有好靚o既掛裝Monchhichi等等,樣樣o野都睇得出珍妮o既心思,好勁呢!!

夜喇,雖然聽日要番工,但Bess,Cindy,Karen同我之後仲去唱K Buffet添,雖然人少少,但一樣玩得開心!!!