會做Site Visit o既1攝1錄

今晚約o左攝影師見面,叫埋仙廸同Chris一齊聽,聽完覺得OK啦,以呢個價錢o黎講算實惠,而且我最欣賞係佢o地事前肯花時間去酒店同男女家site visit,仲會幫埋我o地睇埋run down,都算好貼心呢!!!

至於最重要o既相片同video質素呢...老實講,video只係普普通通啦,或者好似攝錄師話齋,佢俾我睇o既theme未必match我,至於相呢,就大至上無乜問題,因為我係網上面都睇過攝影師d相,信得過我先會約今次見面!!!

不過,雖然價錢實惠,但佢其實唔包成長片段,只有即日o既Photo MV(注意,唔係片,係相呢!!),有少少美中不足...不過,其實我一路都有諗過自己整成長片,只係怕我太耐無玩過剪片,咁大場面萬一整得唔靚都幾失禮,所以曾經打消o左將呢個念頭,而家佢唔包,反而令我重新考慮自己整...

Anyway,而家都未使太急決定,等埋仙廸再慢慢睇有無更好選擇先算啦!!!加油!!