電話響不停

唔知係咪風水問題,我好日都唔響o既電話(除honey搵我o既call外)今日竟然響過不停,仲要集中晒係朝早,有幾次仲要係同時間有兩人打俾我,有想聽o既,有唔想聽o既(煩電話),好有大忙人feel呢,哈哈!!!

好彩今日又清o左個task,所以都真係幾得閒(當然啦,我都有問老細有無其他task可以幫手,只係佢o地未ready,所以我未有o野做!),難得襯坐我對面位同事出差,所以同Athena傾電話(佢今日都好free),哈哈,成日聽d人話OL會係辨公室煲電話粥,今日我終於第一次試呢!!!(...不過,我都唔敢煲太耐,因為我傾電話把聲唔細,傾太耐老細發覺到就唔好啦!!

)

=======================================

夜晚約o左honey,去o左食伍仔記,個冰鎮鱔球好正,不過好後悔叫o左京都骨,因為太普通喇!!

之後去o左麥噹噹plan行程,今日終於有晒四日o既大約行程喇,不過我好貪心,度度都想去,所以行程太緊密...要學識取捨先得!!!