放工,今晚我又有飯局,約o左Agnes同May去尖沙咀食韓國o野,但原來都幾多間,既唔想韓燒食到自己成身味又唔想太貴,結果揀o左間質素普普通通份量又唔多o既,食完仲催我o地走,想慢慢坐o下傾計都唔得呢!!!
食完飯時間仲好早,所以去加連威老道Shopping,我同May都買o左衫,Agnes就因為要讀書,所以要節衣縮食,然後大家又講開投資,除股票外,其實讀書都係投資,雖然學費貴,但之後o係工作前途上會有一定回報,不過回報多少真係好難預計,就好似股巿一樣存在風險,好似我o地三個讀cogsc o既,同大學讀其他科o既人一樣投資咁多時間同學費,但而家工作上o既回報似乎比他人少...至少我o地三個都係啦...係時辰未到、投資錯誤定係性格唔夠野心唔夠強去搏去爭取??而家大家都正努力為未來爭取更佳回報,學買股、再讀書,um...唯有自我安慰投資係應該將眼光放遠一點,睇長線,我o地要加油呀!!!!
==================
近排MSN上來自不同公司o既多位舊同事都不約而同用了'*oxfam'、'*unicef'同'*wwf'等慈善/環保組織的名做MSN開首,係咪有d咩網上聯盟、快閃活動定係網上起義呀???有無人話到俾我知呢期係咪興咁做呀??
我都有朋友有*unicef呀...仲有好奇怪，有d人個名前加左d icon 係"i'm"，佢地冇啦更的，但又用一樣既野，好怪呀! 大家讀唔同科既，回報唔一樣都唔出奇啦，我有時都好羨慕人地賺咁多，但係人地辛酸時我又見唔到姐! 最緊要靠自己爭取到應有的回報就得啦! 我地要努力d呀，已經投資左好多架喇!
回覆刪除間韓國野真係普通~ 我都幾個朋友以unicef開頭..唔知點解.... 希望大家的投資都有回報!
回覆刪除我知點解喇，我問左個朋友，佢話人地話用呢d名，可以幫0個d機構籌到錢喎! 不過佢都唔知係咪真，只抱住一試既心態，反正對自己冇害嘛...
回覆刪除我知道ah :) http://hk.knowledge.yahoo.com/question/?qid=7007031100273
回覆刪除yeah!!大家都要有好回報!!!!! 多謝sheep同仙廸o既資料呀,原來係做善事,都幾有義意喎!!!!microsoft呢條橋好掂喎,先以做善事為名試o下有幾多用戶會義務幫人賣廣告,之後再計番條數呢種新穎賣廣告手法o既成效同收益,然後再用係商業用途...(哈哈...以上推測純為本人之陰謀論...)
回覆刪除