其實今日心情麻麻,一o黎工作忙到我金睛火眼、二o黎今日餐生日飯盛惠每人$149、三o黎同事們又提議聽日飲茶打機我無從距絕(無錢喇...)、四o黎得知同事下星期出差台灣,自己defer兩天免費台灣遊(住friend屋企!),仲要去我今次trip最想去o既地方,讓我空羡慕(我遲去三星期可能會錯過想睇的!)、五o黎放工等o左我honey好耐...真係超級支力,但為o左盡早確定出發日期,幾支力都迫o左我honey同我去沙田買package!!!!
去到旅行社,嘩!!!大排長龍,排在我前前後後的都係去日本旅行,似乎股巿大跌都無影響大家報團去日本豪華遊同賞花o既興志!!!排了十多二十分鐘,終於到我o地喇,職員一查,嘩,原來我o地想買o個個package得番十一個位,等honey仲話星期六先去報...又一次證明我o既心急係無錯o既,哈!!!
三年來首次離港(深圳澳門唔計啦當然!)旅行,仲要係我第一次自遊行,好興奮呢,日子鐵定為3月31日,終於可以放下一萬個心!!!
============================================
定下日子,心情當然由壞轉好,同honey行去禾輋大排檔樂園打邊爐,d火鍋料份量又大,用料新鮮,牛柏葉、豬肚夠爽,鯇魚片、花枝片夠彈牙,就連豬肉都滑滑o架,豬潤、魚滑味道一流,d蝦仲識郁添!!加上今日夠晒凍,兩個人打邊爐認真夠風味,走時大家都捧住肚子大叫正呢!!!
旅行社真係咁多人ah ?? 台灣都有櫻花睇ga ~~ yeah :)
回覆刪除醒目呀,我話想去睇o既就係櫻花喇...不過我怕去到無得睇,所以都唔敢抱太大期望呢!!!
回覆刪除隨遇而安吧，或許會有更大的收穫!
回覆刪除haha, i know my ans when i read this la! hv a nice trip! from my experience, don't need to plan too tight lei, just a rough is fine. You can be more flexible there.
回覆刪除玩幾多日呢~~~~~?
回覆刪除To Jenny: 咁又係,flexible d先似放假,無理由去旅行都趕頭趕命!!! Thanks for advise le...you know, i like planning everything in my daily life...haha To Menu: 四日三夜呢,去完trip先放復活假,呵呵,可以慢慢休息!!!
回覆刪除