大眼妹台灣自遊行 ~ Day 1

Yeah, i am now at HK airport, have just checked in la, will go to have a walk at terminal two, yeah!!!!

see you all next week la!!!BB ^.^

=================================================

Day 1: 香港機場Terminal 2 → 台北 → 信義區 (新光三越 → 誠品 → New York New York → 台北101) → 五分埔成巿批發 → 饒河街夜巿

Yeah,期待好耐喇,終於第一次自遊行,心情好興奮!!!除o左尋晚發o左個公司唔續我contract o既惡夢外,我都算訓得好好,七點起身裝身,確定無帶漏o野後出門口!!由於honey唔記得帶遮,所以佢要折返屋企!!!搞o左一輪後好彩都只係遲少少去到機場,如果唔係我一定會變成'常鵝','鵝'足我honey一朝!!!!!

Check in後我o地去o左Terminal 2,由於時間好早,所以大部份地方都未開,不過對我o地無乜影響,因為呢度同一般大型商場分別唔大,只係舖頭較入閘後o既Duty Free舖頭平民化少少,我o地點都唔會係度shopping!!!!我o地o係電影館同飛機模型前影o左少少相後去o左食意大利o野,個酥卷好好味呀,入閘後仲食埋Burgar King,再加埋飛機餐,真係好飽呢,為o黎緊4日3夜為食之旅打頭炮,yeah!!

去到台北旅低行李已經4點,先坐捷運去信義區,呢區係台北中心地帶,巿政府大樓同一d大型商場都o係呢度!!!雖然一早聽人講話台北shopping o黎講比唔上HK,但去到點都要親身體會下!!!

第一站先去三越,乘電梯上o左幾層後已經唔想行,話咁快就落番地下,之後去誠品,呢度好大,人亦多,我honey好有心機咁東睇西睇,但一向唔好書香o既我就有少少悶了!!!行晒咁多層誠品後去o左一間叫New York New York o既Mall,o係外面食o左個朱古力Donut,無o係香港食o既咁甜咁漏呢!!書本上介紹話呢間呢個mall較美式,於是我o地又上o左去,噢...入面又細又多人,燈光唔夠又無冷氣,所以我o地都係上完電梯即刻就落電梯走!!!最後去101,諗住101係最高又建築,應該行得舒服d,但點知都無乜驚喜,因為商場設計空間感較差,好多柱,望落感覺好細,不過佢d電梯設計十足又一城,上落幾層又會行到人好支力,總之設計明顯唔及HK IFC啦!!!!

行完街,之後坐捷運到後山碑站去五分埔成巿批發,抱住呢度或者可以買到一兩件平衫o既希望,點知平係平,但質素同款式都麻麻,完全睇唔落呢!!!之後行去附近o既饒河街夜巿,呢度個胡椒餅好出名,睇書覺得好吸引,所以一早諗住除士林夜巿外一定要去埋呢個夜巿呢!!!

右二係成巿批發入面買o既煎鵪鶉蛋!!味道麻麻!!

未入到饒河街口已經遠遠望見好多紅燈龍,仲有座好靚o既廟,氣氛好熱鬧!!!!去到街口已經見到長長o既人龍,排o左十幾分鐘終於買到熱辣辣o既胡椒餅,真係好好味,而且仲超熱,加上呢度好迫人天氣又熱,都未正式展開呢度o既覓食之旅已經熱到我同honey出晒油喇!!!

我o地人迫人咁慢慢行,見到書中介紹o既攤檔就即刻幫襯,專點書中推介o既,務求試晒街中所有出名舖頭內最好味o既美食,好貪心呢!!!!結果經過個幾鐘人迫人、汗流浹背o既搏鬥後,我o地食o左胡椒餅(十個好味!)、一口煎餃(普通!)、豬腳麵線(OK!)、鴨血+臭豆腐(臭豆腐係水煮,唔似香港咁係炸,呢樣書中無介紹,不過我同honey都覺得好好味!!!!!)、十全藥燉排骨(個湯好正,但排骨太少肉!)、雪在燒(潤餅捲電榚香菜同糖碎,個潤餅唔夠熱,無'燒'o既感覺,三個雪榚球中有一個味道怪怪,我同honey都唔鍾意陣味!!!)同埋蚵仔麵線(百年老舖呀,不過味道淡o左d,無想像中咁好味!)!!戰鬥完後又熱又飽,honey嚷著要番飯店,本來我仲想買蓮霧,但呢度d蓮霧全部都切開咁賣,有少少唔衛生,最後都無買o野番去呢!!!

Picture of the day: