好o野,同honey出街!!!先去o左極之好食車仔麵,呢間車仔麵雖然係貴少少,但真係好味,點知而家執淨一間咋,我爸聽聞屋企附近開o左間,不過我同honey搵過又唔見喎,如果開o左都唔錯,咁就唔使出旺角食呢!!!
之後去o左瓊華,本來睇中一件褸仔,但honey企o左出去,問唔到佢意見,而個sales又太急進,不斷叫我'買啦!買啦!',結果我出o左舖頭後雖然好掛住件衫,好想帶我honey去睇,但最終都唔敢再入番間舖,費事sales誤會佢d '買啦!買啦!' 有效...(我媽話我呢個諗法搞笑過個sales喎...)
六點入o左澳海城睇戲,哈哈,當然係睇鄭智薰套戲啦,不過講真,我都唔敢抱太大期望,只係為捧o下場咋!!結果套戲都幾搞笑o既,而且都幾佩服個劇本,因為戲內o既對白同精神病者人各具特色,全部'估佢唔到',的確夠新鮮同具創意,之但係由頭睇到尾,我都唔知套戲主旨係咩,除o左係講男主角成功令自以為係再造人o既女主角成功食o左啖飯外,我都唔知套戲仲有咩訊息帶o左俾觀眾...
另外,套戲原來有d部份都幾暴力血腥,令我諗起若果套戲o係美國上映,都唔知會唔會有小朋友走去學校有樣學樣...而演技方面,女主角林秀晶做得好好呀,特別係沒有了同情心後的冷酷無情樣,至於鄭智薰呢,我就覺得佢好似做番自己咋,邊有精神病人咁靚身型先得o架,不過除o左佢,我又唸唔到邊個男藝人可以勝任做呢個角色,因為係得佢先可以配襯起呢個天線頭而唔覺太突兀...不過戲內佢o既表情實在太可愛了,不難聽到戲院內女生被他電暈o既聲音...哈哈...仲有仲有,呢個精神病小朋友好似咸濕了點...
夜晚番o左屋企附近食和民,東亞咭七折,不過都唔平...
================================================
今日一家五口又去超級城,但其實我好想出沙田o架,可惜被ban了...
極之好食車仔麵係邊呢? 套戲...我覺得都係愛情片一個, 諗唔到佢有msg想帶出黎..haha
回覆刪除我連佢係愛情片都feel唔到,哈哈...或者感受唔到精神病人o既純愛... 極之好,係女人街側邊o架,Um...你上Openrice搵o下就見!!!!幾好味o架,但比平常車仔麵貴少少,特別推介佢個炸豆腐同蘿蔔,好入味!!!
回覆刪除